Read tiv I Solomon 1 Bible Online

I Solomon 1 - tiv bible

I Solomon 1

¹Icam i hemban atsam cii ne, ka i Solomon.

²De a̱ susem zwa sha mbamsusu nav, gadia dooshima wou doo je hemba wain.

³Mkurem ou ma human doon, ma huma tsô, iti you ngi er mkurem ma human doon ma i hee ma yô, ka nahan man u doo ônkasev ishima ye.

⁴Urugh mo, m̱ dondo sha a we, sé er nen fefa! Tor nyôr a mo ken ayou a na. Sé ember, sé lu saan saan ken a we, sé hemba teren dooshima wou a wain! U doo ve ishima, ka sha inja je.

⁵Ne ônkasev mba Yerusalem, mo m ngu il, kpa m doo u kenger er utenti mba Kedar nahan, man er akondo a yisan a Solomon nahan.

⁶De kenger nen mo er m lu il sha ci u oo u u tem la ga: Ônov mba ngôm mba nomso yuwem, ve verem orkuran sha ishule i wain; kpa sule wam iyol yam yô, m kura ga.

⁷Kaam, we u u doom ishima ne, hen ape u ne ikumuile you toho yô, man hen ape u ver i i mem iyange sha tembe la. Gadia ka nyi man m gbe hingir er or u azende azende hen akumauile a akar a ou nahana?

⁸Aluer wea fa ga yô, we u u hembe doon ashe ken ukase cii ne, za ase sha ihange i ikumuile, za a agumaivo a ou, a̱ za ya toho hen utenti mba mbakuranilev.

⁹We u u doom ishima ne, m kar u sha tulenyinya u akeke a Farao.

¹⁰Ahenge a ou doo tsung a asa a dedoo sha mi, man mon wou kpaa a ikor i asa a dedoo.

¹¹Sé tume u mshirim ma zenaria a anzôr a azurfa sha mi.

¹²Er tor a tem sha tebul na yô, mkurem am ma nardu kpurum ihuma i ma i dedoo.

¹³Or u a doom ishima la ngum er ijen i mire, i i yavem hen huwa u atumbagh nahan.

¹⁴Or u a doom ishima la ngum er ikagh i imondon u henna u human doon, ken ishule i wain i En-gedi nahan.

¹⁵U doo ashe tsô, we u u doom ishima, u doo ashe tsô; ashe a ou nga er atii nahan.

¹⁶U doo ashe tsô, we u u doom ishima, u doo je, gande; gambe wase u teman mi kpaa ngu shou shou.

¹⁷Ihange i iyou yase ka ikon i sedar, mtuunum ma iyou yase ka ikon i fer je.