Read tiv Yesaia 10 Bible Online

Yesaia 10 - tiv bible

Yesaia 10

¹Kwagh á tser mba ve we atindi a ifer, kua mbangeren mba ve nger akaavihin,

²sha u mgbeghan mbaibanave sha ijirôron kera, man sha u ngohol ian i mbaatsanev mba ken ior Av la kera, sha u kasev mba côgholov ve̱ hingir ishar ve, man sha u ve̱ gema ve̱ sar ancôgholov kpaa!

³Né er nan sha iyange i oron iyeve, man sha mtim u una due ca laa? Ka an je né za gba nan ikumu? Man ka han né undu inyaregh yeneghe?

⁴Vea gba ngurum inya er mbakwarev nahan tsô, vea gba inya er mba i woo ve yô. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

⁵Kwagh á tser u, Ashiria, gbough ku iyugh Yam; ishimavihin Yam ngi ken uwegh vegh er aga nahan.

⁶Me tindi un er a̱ za ta num sha ikurior i eren dang yum la, man sha ior mba M yugh a ve; Me kaa un Mer, a̱ ya ishar, a̱ sar akaa, a̱ ndyar ve er angbiôr a sha igbenda nahan.

⁷Kpa un yô, a wa ishima nahan ga, a hen ken ishima na nahan kpaa ga, kpa ishima na ka u timin man u gberen akuraior kera kpeghee ga.

⁸Gadia a kaa er: Atiator am cii ka utor gaa?

⁹Kalno hingir er Karkemishi nahan gaa? Hamati kpaa hingir er Arpadi nahan gaa? Samaria kpaa hingir er Damaseku nahan gaa?

¹⁰Er uwegh agh ku za ar sha ityartor i ieev mbi i civir mbi la, shin er ieev vev mbi gban a gba mbi hembe mbi Yerusalem kua mbi Samaria nahan kpaa,

¹¹nahan me kera er a Yerusalem kua ieev nav er m er a Samaria kua ieev nav nahan gaa?

¹²Tsô zum u Ter Una vande kuren tom Na cii sha uwo u Shion kua ken Yerusalem kpaa yô, Me or iyev sha atam a ishima i gban gesa i tor u Ashiria man ihagh i ashe na a kenden sha la kpaa.

¹³Gadia a kaa er: Ka sha agee a uwegh agh man sha kwaghfan wam kpaa m er kwagh ne ye, gadia mo m ngu orkavenkwagh je; nahan m kar a indyor i ityar i akuraior kera, shi m sar inyarev vev, m mgbegha ior, m ta ve inya er nombua nahan;

¹⁴uwegh agh kpaa ku naregh sha inyaregh ki iorov er ka sha iya i inyon yô; man er ka i kohol aji a i undu a nahan, kape m kohol tar cii la, ma or tenger kpelegh ga, ma or aver zwa ga, shin ôr kwagh ken iker kpaa ga.

¹⁵Ijembe ia ta ihagh a or u gberen kwagh sha i kpa? Shin zerto una hagher sha or u sôngon kwagh a mi kpa? Bee er gbough kua jingir mba ve ker ku la, shin bee er aga una kende u a lu kon ga la sha yô.

¹⁶Ka nahan man Ter, TER u akum a Sha, Una tindi ikande hen mbakehen nav; man shi shin atô a icivir na, mhie una hia er mhie u usu nahan.

¹⁷Iwanger i Iserael ia hingir usu, Icighan Na kpaa Una hingir nomborusu, ua hia usaa kua ukôrakondo sha iyange i môm.

¹⁸Shi Una nande icivir i ikô na kua i ikon na i umen atam, uma kua iyol cii, á hingir er oruange ka nan ure nahan.

¹⁹Asande a ikon a ken ikô na a a shi her kpeghee la, wanye u kpuaa kpaa nana fatyô u ngeren iyenge i a.

²⁰Tsô sha iyange la asande a Iserael a a shi her man mba ve wer hen ya u Yakob vea kera suur sha u a gbidye ve la ga, kpa vea suur sha TER, Icighan u Iserael, sha mimi.

²¹Asande aa hide, asande a Yakob je, aa hide hen Aôndo u ageegh.

²²Gadia shin er ior ou Iserael ve lu er waarawa hen kpezegemnger nahan, nahan kpaa ka asande ken a ve tsô aa hide ye; i ver mtim keng, a mgbough a perapera je neer haa inya.

²³Gadia Ter, TER u akum a Sha, Una kure mtim u i vande veren kera je, her atô u tar cii.

²⁴Nahan Ter, TER u akum a Sha, ngu kaan nahan er: Ne ior Av, mba ne tem ken Shion ne, de kera cie nen Ashiria u a gbidi ne sha aga man a kende gbough nagh sha a we sha inja i Igipiti la ga.

²⁵Gadia mase shin ciôn tsô, iyugh ia kure, ishima i vihin Yam kpaa ngi sha u za timin ve.

²⁶Man shi TER u akum a Sha, Una jinge kwagir sha a na, sha inja i mwoo u i wua Midian hen vande u Orebi la nahan; gbough Nagh kua naregh sha zegemnger man shi Una kende ku sha, vough er lu er a Igipiti nahan.

²⁷Tsô sha iyange la, ikav nav mbia osogh sha avande a ou, igbur na kpaa sha mon wou, igbur ia vihi sha avande a ou kera.

²⁸A va ta sha Ayati a kar hen atô u Migeron, a undu ikav nav hen Mikemashi;

²⁹ve kar hen huwawoogh, ve va tsa hen Geba; Rama ngu gbidyen ikarikase iyol, Gibea u Saulu yevese.

³⁰Er ikenge, we, wankwase u Galim! Ver ishima, we Laisha! We, Anatoti, kwagh u kôron mhôônom!

³¹Mademena yevese; mba ve tem ken Gebim mba yevese keren ijiir i waren.

³²Nyian, nyian je, una haa hen Nobu, á kende iju na sha uwo u wankwase u Shion, uwo u Yerusalem je.

³³Nenge, Ter, TER u akum a Sha, Una paa agbaa je, sha agee a cier iyol, á gber a taven sha la, man a karen sha; a a hembe la kpaa aa haa inya.

³⁴Una paa agbaa a ikô a a we mgbigh mgbigh la sha iyô; Lebanon kpaa una gba sha ikev i u civirigh la.