Read tiv Yesaia 11 Bible Online

Yesaia 11 - tiv bible

Yesaia 11

¹Iceren una tser sha ikpughur u Yese, gbaa una due ken amise na, una ume atam je;

²Jijingi u TER Una lu sha a Na, ka Jijingi u kwaghfan man u mkav, Jijingi u wasen henen kwagh man u ageegh, Jijingi u mfe man u cian TER.

³Á doo Un iyol a mcie u cian TER la; Una gba ôron ijir sha kwagh u A nenge sha ashe tsô ga, kwagh kpaa Una gba kuren sha er A ongo sha ato Na tsô ga,

⁴kpa ka sha perapera Una ôr ijir i mbaatsanev ye; man shi Una kure kwagh sha mi vough a mbalun asema legh legh shin tar; Una tsaha tar sha kwagir u ken zwa Na; man sha iôôn i ken zwa Na la, Una wua mbaaferev.

⁵Perapera una lu kwange Na u shin iwenge man mimi una lu kwange Na u hen uya.

⁶Zum la gbaseela una teman vea waniyôngo imôngo, anyam kpaa una yaven a wanivo imôngo; gumbua man gumbegha kua icighanile vea teman imôngo, wanye u kpeghee una hemen ve.

⁷Ngôbua vea ngôdwem vea yan kwagh, ônov vev vea yaven ijiir i môm; begha je kpaa una ya toho er bua nahan.

⁸Wanikundan u man atumba una numbe hen zwa u tayar, wan u den atumba una za uwegh ken zwa u igbinde.

⁹Vea vihi kwagh ga, vea tim kwagh sha icighanwo Wam cii kpaa ga, gadia tar ua mgbough a mfe u TER er mngerem ma ngee shin zegemnger nahan.

¹⁰Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

¹¹Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

¹²Una tim tuta sha sha ci u akuraior, Una kohol mba i zende ve kera ken Iserael, man Una kohol Mbayuda mba ve sambe sha azongo a tar a anyiin la, hen ijiir i môm.

¹³Iwuhe i Eferaim ia kar kera; mba ve eren Yuda ican kpaa á tim ve kera; Eferaim una kera er Yuda iwuhe ga, Yuda kpaa una kera er Eferaim ican ga.

¹⁴Vea purugh vea gba sha avande a Mbafiliti vegher u shin ityôtar; ve uhar cii vea num ior i sha vegher u sha ityoughkitaregh, vea penda ave ve sha Edom kua Moabi; Mbaamon vea hingir sha ikev ve.

¹⁵Tsô TER Una vihi nombor u zegemnger u Igipiti purututu, Una kunde uwegh Nagh sha Ifi sha ahumbe Na a hian la. Una gbidye un, Una pav un á hingir iwagh itiankarihiar, Una er ior vea per a akôvangahar je.

¹⁶Kômgbenda kpaa una lu sha ci u asande a ior Nav a a shi ken Ashiria la, er iyange lu sha ci u Iserael zum u a mough ken Igipiti la nahan.