Read tiv Yesaia 4 Bible Online

Yesaia 4 - tiv bible

Yesaia 4

¹Sha iyange la kasev utaankaruhar vea kohol sha or môm, vea kaa er: Sé yaan kwaghyan wase ayol a ase, sé zeren akondo ayol a ase, i̱ gbaa yilan se sha iti you tsô, tôô se aheen ase ne kera.

²Sha iyange la mende u TER ua doo ashe ua engem, iyiav mbi shin tar kpaa mbia lu icivir man iengem i mba ve wer ken Iserael la.

³Or u nan shi ken Shion man u nan lu ken Yerusalem her yô, á yila nan er, icighanor, ka hanma or u i nger nan ken mbaumav ken Yerusalem la,

⁴shighe u TER Una ôô hôngor u ônkasev mba Shion kera la, man Una kile awambe a Yerusalem her atô na kera, sha Jijingi u ijirigh man Jijingi u koughon kwagh kera.

⁵Sha tar u uwo u Shion cii kua sha ajiir a eren mbamkohol her la, TER Una er ibeenegh kia lu atetan kua mnyim, man iwanger i inyomborusu i yeghen tugh; gadia icivir la cii, kwaghcirin una lu sha mi.

⁶Ityumbe ia lu atetan sha ci u mure u yeren oo ker, man sha ci u ijiir i yeren uraahumbe kua ura kpaa.