Read tiv Yesaia 6 Bible Online

Yesaia 6 - tiv bible

Yesaia 6

¹Sha inyom i tor Ushia kpe la, m nenge Ter, tema sha ikônough ki torough ki taven ki lun sha geng, akur a akondo a Na samber ken tempel cii.

²Userafim tile a Na vegher u sha, hanmô ve lu a akper ataratar: a ahar a yisa ishigh nagh a mi; ahar, a yisa angahar a mi; a ahar di yô, a purugh a mi.

³U môm gema gba yilan ugen kaan er: Icighan, icighan, icighan, kape TER u akum a Sha A lu la; tar cii iv a iengem Na.

⁴Tsô amagh a ikpande i ihinda tenger sha imo i u a yer la, iyou la kpaa mnyim mgbough ker.

⁵Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

⁶Tsô ugen ken userafim la purugh va her a mo, kôr ikausu i enger sha uwe, a dugh i ken atse a nan nagh sha mi la, sha gbegba;

⁷a va bendem i sha zwa, a kaa er: Nenge, ngin bende u sha ityumbuzwaagh ve, nahan i tôô ibo you kera man i de u isholibo you kpaa.

⁸Tsô m ungwa imo i Ter lu kaan er: Ka an Me tindi nan, man ka an nana za sha ci Wasa? Tsô m kaa mer: Mo ne, tindim.

⁹Nahan A kaa er: Za, za kaa ior mban wer: M-ongo yô, ungwan nen, kpa de kaven nen ga; mnenge kpaa, nengen nen, kpa de kaven nen ga.

¹⁰Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

¹¹Tsô m kaa mer: Zan zan hanma iyange je, Tere? A gema A kaa er: Zan zan agar aa kar hingir atse ve, or á kera lu ker ga, ayou kpaa or á lu ker ga man tar ua hingir toho dang ve;

¹²man TER Una yem a ior ca, man ajiir a i undu a kpaa, á ngee ken tar la.

¹³Man aluer nahan kpaa shi môm-ken-upue una shi ker yô, shi á kar a ve ken usu; er kon u terebin man u ouki mba ka a gber ve man akpughur a ve a shi her la, kape icighantsombor una lu ikpughur her la.