Read tiv Yeremia 45 Bible Online

Yeremia 45 - tiv bible

Yeremia 45

¹Kwaghôron u profeti Yeremia ôr Baruki wan u Neria zum u a kura akaaôron ne sha zwa u Yeremia man a nger a ken ruamabera, sha inyom i sha unyiin i Yehoyakim wan u Yoshia, tor u Yuda la, a kaa er:

²TER, Aôndo u Iserael, ngu kaan a we, we Baruki:

³U kaa wer: Aye! Kwagh tserem ve! Gadia TER seer ijungwen sha ican yam; m vôr a mkin wam, man m zough a mmem ga!

⁴Kaa a na nahan wer: TER ngu kaan nahan er: Nenge, kwagh u M maa yô, Me yôhôl un, man kwagh u M môôr kpaa, Me wuhe un; kape á lu sha tar cii la.

⁵U ngu keren akaa a vesen sha ci wou iyol youwe? De kera keren a ga; gadia nenge, M ngu van a kwagh u bo sha uuma cii, kape TER A kaa ne; kpa Me gema uma wou a̱ hingir we er ka ishar u ye yô, sha ajiir a ú zenden cii.