Read tiv Hosea 3 Bible Online

Hosea 3 - tiv bible

Hosea 3

¹TER kaa a mo er: Shi za, za sôôr kwase u a doo huror na ishima, kpa a gema a hingir idyakwase, vough er TER A soo Mbaiserael shin er ve gem ve dondo mbaaôndo mbagenev nahan kpaa, shi ve soo azen a atam a ikon i wain a ombor.

²Nahan m yam un sha agbenger a azurfa pue kar ataan man shair kuma homer môm man tiôn.

³M kaa a na mer: Hegen ú lu u wam ayange kpishi; ú kera er idya ga, ú kera lu kwase u orgen ga; kape mo kpaa me lu a we ne.

⁴Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

⁵ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.