Read tiv Yona 3 Bible Online

Yona 3 - tiv bible

Yona 3

¹Tsô kwaghôron u TER shi va hen Yona sha kwa har, kaa er:

²Mough, za hen Nineve zegegar la, za pase un kwagh u Me kaa u ne.

³Nahan Yona mough za hen Nineve, sha imo i TER. Nineve lu zegegar tsung je, kuma zende u ayange atar.

⁴Yona hii u nyôron ken gar, a zende zende u iyange i môm, a genger imo, a kaa er: Shi ayange akunduahar tsô á yôhôl Nineve ne.

⁵Ior i Nineve gema na Aôndo jighjigh; nahan ve yôô kwaghyan u hôron man ve ta akondo uya, hii hen mbavesen vev zan zan ar hen mbakiriki.

⁶Loho la za ar hen tor u Nineve kpaa, nahan a mough sha ikônough nagh ki torough kera, a er riga na, a ta ikondo uya, a za tema shin mtwe.

⁷A kaa, i yôô ken gar u Nineve cii sha tindi u tor man ashagba a na er: Or shin zendenya, ibua shin iyôngo, ve̱ de benden ma kwagh zwa ga, ve̱ de kera ye kwagh ga, mngerem kpaa ve̱ de me ga;

⁸or kua zendenya cii, ve̱ ta ikondo uya, ve̱ genger imo taver taver ve vaa a Aôndo; een, hanmô ve nana̱ gema ishima, nana̱ undu gbenda u nan u bo kua ipila i i lu nan sha ave la.

⁹Ka an nan fe er alaghga Aôndo Una gema awashima Na man Una hide a iyugh Na ijime sha u se̱ de timin ga yôô?

¹⁰Aôndo nenge aeren a ve er ve gema ishima ve undu gbenda ve u bo la, nahan Aôndo de kwagh u bo u A wa ishima u eren ve la; A kera er un ga.