Read tiv Mika 2 Bible Online

Mika 2 - tiv bible

Mika 2

¹Kwagh á tser mba ve henen iferkwagh man ve we ago iyol u eren kwagh u bo sha ugambe vev la! Er sev a av yô, ve kure kwagh la kpaa, sha ci u a lu ken tahav mbu ave ve yô.

²Ve tôm ishule man ve ngohol i sha apera, kua ayou kpaa, ve ngohol a kpaa; ka ve nzughul a or kua ya u nan, man a or kua dyako u nan kpaa.

³Nahan yô, TER ngu kaan nahan er: Nenge, Me hen kwagh u bo sha tsombor ne, u nea fatyô u dughun imon yen ker kera ga yô, man nea kera zende sha imanger kpaa ga, gadia shighe la á lu u bo je.

⁴Sha iyange la vea dugh ishor sha a ven, vea gber kwelegh, vea kaa er: Se saa ishe puru; A gema dyako u ior av A na ior mbagenev; nenge, er A pav un a mo yô! A kar mbaahendanev ishule yase.

⁵Nahan yô, ú kera zua a ma or u nan samber kor u karen kwar ken mkohol u ior i TER ga.

⁶De kera er kwaghôron u profeti ga, kape uprofeti ve kaan la. De kera er kwaghôron u profeti teren akaa angan ga; aheen nga been ga.

⁷Doo u kaan kwagh ne kpa, we ya u Yakob, Jijingi u TER ngu a ishima i wan je gaa? Ka aeren a Na nee? Mkaanem Am ma ne mkpeyol hen or u nan zenden zende u jighilaa gaa?

⁸Kpa ayange kar je, ior Av ve mough er mbaihomov nahan; ne tuse ikondo i cirin iyol sha riga u mba ve karen bem bem mba ve we ityav ken ishima ga yô.

⁹Ne mba zende kasev mba ior Av ken uya vev mba doon ve la kera; ne mba ngohol icivir Yam hen ônov vev mba kiriki kera gbem sha won.

¹⁰Mough sha, yem nen, gadia ka ijiir i memen ne ga; sha ci u i hôngor yô, ia va a mtim, ka mtim u vihin tsung je.

¹¹Aluer or nan ngu zendan ahumbe ityô man nana er aie nana kaa er: Me ôr u kwaghôron u uprofeti sha kwagh u wain man msôrom ma taver yô, or la ma nan lu profeti u ior mban.

¹²Me kohol ne cii kpee je, we ya u Yakob, Me kohol asande a Iserael a a shi her la je, Me zua ve imôngo er iyôngo ken ityôr nahan man er ikumuile ken atô u ijiir ve i yan toho yô; á hura iuu sha mngee u ior.

¹³Orbughun gbenda hemen ve; ve hembe, ve za hen hunda, ve nyôr tsula; tor ve kar hemen ve, man TER gema ngu ve sha hemen.