Read tiv Nahum 3 Bible Online

Nahum 3 - tiv bible

Nahum 3

¹Kwagh á tser gar u awambe ne, iv a mbaaie man ipila cii— ye ishar je ikighir i lu ga!

²Iov i akpa, man ihuran i akaver a akeke, anyinya a eren iyar, man akekeautya a zenden gungula gungula!

³Mbaanyinyav mba ve nyôngoso, man sanker u karen jijingi, man iwange i engem; mba i woo ve ngee, atihi a mbakpenev, akom gande u ôron—mba nôngon gbev sha akom a ve!

⁴Man ka sha ci u mngee u uidya u idyakwase u doon ashe la, ngô u ahir, u a teen akuraior sha uidya nav la, ikweior kpaa sha ahir a na.

⁵Nenge, M ngu num a we, kape TER u akum a Sha A kaa ne, Me kura a ikondo sha, i̱ cir u sha ishi, Me na akuraior aa nenge idyelegh wou, man ityartor kpaa ia nenge kunya wou.

⁶Me haa kwagh u hôngorough sha a we, Me gema u ú hingir dangkwagh, Me ver u ú hingir kwagh u kenger sha mi.

⁷Tsô mba ve kenger we cii, vea yevese we, vea kaa er: Nineve hingir ice; ka an nana zungwe unu? Man ka han Me ker u mbasurun we ishima?

⁸U hemba No-amon u a lu hen asalegh a Nil, u mngerem ma kase un ma tser, u gilgar na a lu zegemnger man kpekpe na a lu mngerem la shinii?

⁹Etiopia lu agee na kua Igipiti kpaa, taver gande u ôron; Puti man Lubim lu mbawasen nav.

¹⁰Nahan kpaa i kura un i yem a na uikangen; i her anikundanev nav avur avur sha hanma gbenda cii; ve er ishol sha ashagbaior a na, i kange mbavesen nav cii sha mshir.

¹¹We kpaa, ú hunde, ú hume; we kpaa ú ker iyou i tiaver sha ci u yeren orihom.

¹²Ayou a taver a ou cii nga er ikon i tur a atam a tsutswa nahan; aluer i ndoor a yô, a haa ken zwa u oryan.

¹³Nenge, ior ou ker atô wou, ka kasev; ihinda i ken tar wou ngi ivegher sha ishigh ki mbaihomov ou; usu hia uishindan ou.

¹⁴Kese mngerem sha ci u ityav mbi kasen we, taver ayouautya a ou; hungwa shin inya i tiher, shoghol inya, kôr kurugh u gbidyen akam.

¹⁵Usu ua hia u heregh; sanker una tim u kera, una ya u er agumaikomon nahan. Seer nen ngeen er agumaikomon nahan; seer nen ngeen er ikomon nahan.

¹⁶U seer mbakasuav ou je ngee hemba asan a sha kwavaôndo; agumaikomon oo purugh kera.

¹⁷Utor ou mba er ikomon nahan man ukurmbautyav ou mba er jukuikomon nahan, i i tse sha igyar sha iyange i wuhegh yô, kpa zum u iyange ia ta yô, i mough kera, man i kera fa ape i ze ga.

¹⁸Mbakuran ou mba yaven, we tor u Ashiria; ashagba a ou nga memen; ior ou sambe sha iwo, ma or u kohol ve ngu ga.

¹⁹Mvihi u i vihi u la gande u sôron; ivav you ka i den ga; mba ve ongo ahura u kwagh wou cii, mba kuren ave sha mi; gadia ka an je ifer you i ve sha a nan ga?