Read tiv Sekaria 3 Bible Online

Sekaria 3 - tiv bible

Sekaria 3

¹Tsô A tesem zegepristi Yosua, a tile sha ishigh ki Ortyom u TER, Satan gema tile un ken uwegh ku yanegh sha u yilan un ijir.

²TER kaa a Satan er: TER A̱ yange u, we Satan; een, TER u A tsough Yerusalem la, A̱ yange u; ngun kera ka ityôndo i i sase duen a mi ken usu gaa?

³Yosua yô, lu a akondo a iligh iyol, a tile sha ishigh ki Ortyom la.

⁴A gema A kaa a mba ve tile sha ishigh Nagh la, er: Er nen un akondo a iligh la kera. A kaa a na er: Nenge, M kar a ifer you hen a we kera, Me haa u akondo a icivirigh.

⁵Nahan m kaa mer, ve̱ kange un atsar a wang sha ityou. Tsô ve kange un atsar a wang sha ityou, man ve haa un akondo kpaa; Ortyom u TER tile lu her.

⁶Tsô Ortyom u TER shi ôr kwagh a Yosua gbang gbang, kaa er:

⁷TER u akum a Sha ngu kaan nahan er: Aluer ú zenden sha igbenda Yam man ú eren tom u M ne u yô, nahan ú nengen sha ya Wam man shi ú kuran ityembeya Yam, Mo kpaa Me na u ian i nyôron ken mba ve til heen ne.

⁸Shi ver ato, zegepristi Yosua, we man akar a ou a a tem u sha ishi la, gadia ve ka ior i tesen a tese ikav; gadia nenge, duen Yam a wanakiriki Wam, icerenkon la.

⁹Gadia nenge, iwen i M ver sha ishigh ki Yosua la, sha iwen i môm la, ashe nga ataankarahar; nenge, Me nger ingeren i sha iwen la, kape TER u akum a Sha A kaa ne, man shi Me kar a ifer i tar ne kera sha iyange i môm.

¹⁰Sha iyange la, kape TER u akum a Sha A kaa ne, hanmô wen nana lôhô or u wan ndor a nan sha u nana̱ va hen nan shin itinekon i wain i nan man shin itine i tur i nan kpaa.