Read tiv Sekaria 5 Bible Online

Sekaria 5 - tiv bible

Sekaria 5

¹Tsô shi m kende ashe sha, m kenger yô, nenge, ihurenruamabera u purugh a purugh!

²A kaa a mo er: Ka nyi u nenge a mi? M gema m kaa a na mer: M nenge a ihurenruamabera u purugh a purugh, ilihen na ngi aseva ikundu, igbanger na, aseva pue.

³Tsô a kaa a mo er: Ngun ka ifan i, i dugh i lu zenden sha tar cii yô, gadia hanma or u nan iin yô, ka sha i á tim nan kera hegen ye; hanmô u nan bumun kpaa, ka sha i á tim nan kera hegen ye.

⁴Me na ia due, kape TER u akum a Sha A kaa ne, ia nyôr ken iyou i ormbaiv man ken iyou i or u bumun iti Yam sha aie; ia tema ken atô u iyou i nan, ia nande i puru a ikpande i i kua awen a i kpaa.

⁵Tsô ortyom u a lu ôron kwagh a mo la due va kaa a mo er: Shi kende ashe sha, nenge kwagh u a lu duen la.

⁶Tsô m kaa mer: Ka nyi kwagh nee? A kaa er: Ngun ka efa, a lu duen ye. Shi a kaa a mo er: Ngun ka mluashe ve u sha tar cii.

⁷Tsô nenge, i kende a kughur u sha inyer sha, kwase lu ker, a tema ken atô u efa.

⁸A kaa a mo er: Ka iferkwagh je ne; nahan a kende un shin atô u efa, a gema kughur u sha inyer la a cir zwa u efa a mi.

⁹Tsô m kende ashe sha, yô, nenge, kasev uhar lu duen van, ahumbe lu ken akper a ve; ve lu a akper er ôô-ôô nahan; ve tôô efa la ve yem a mi hen halegh u tar man Sha.

¹⁰Nahan m kaa a ortyom u a ôr kwagh a mo la mer: Ka han ve ze a efa nee?

¹¹A kaa a mo er: Ka u za maan un iyou hen tar u Shinar; zum u á sôr i kera yô, á ver un keregh sha ijiir na.