Read tiv Mbakolose 4 Bible Online

Mbakolose 4 - tiv bible

Mbakolose 4

¹Ne uter, eren nen a mbashiren ne tom sha jighjigh man sha mimi gadia ne fa, ne kpaa ne mba a Ter Sha.

²Taver nen asema sha msen u eren, lu nen per sha mi sha ishughun.

³Eren nen msen sha ci wase kpaa ner, Aôndo A̱ bugh hunda sha kwaghôron wase sha u se ôr kwaghmyer u Kristu u i wuhem sha mi la

⁴sha u me pase un er i doo u me ôr yô.

⁵Zenden nen sha kwaghfan hen mba ve lu ken won la, man wa nen ian yen iko.

⁶Kwaghôron wen a̱ luun u doon gbem, u i we bar shi mi yô, sha u fa nen er i doo u nea ôr kwagh a hanma or yô.

⁷Tikiku una pase ne kwagh wam cii. Un ka anmgbian u doon ishima man shi ortom u jighjigh kpaa, ngu ortom a mo imôngo ken Ter.

⁸M tindi un ken a ven, ka sha kwagh ne jim je, ka sha u ne fa kwagh wase man shi sha u una taver ne asema yô.

⁹Onesimu kpaa ngu vea na, ka anmgbian u jighjigh man u doon ishima. Wen ka or u ken a ven. Akaa a keen ne cii vea pase ne.

¹⁰Aristareku u i wuhe un a mo imôngo ngu sughun ne man shi Marku anmgbian u Barnaba la kpaa (wen yô, i vande wan ne kwagh sha kwagh na. Aluer una nyôr ken ven yô, rumun nen un).

¹¹Man shi Yesu kpaa u i yer un er Yusetu. Ken mba ve lu eren tom u tartor u Aôndo a mo imôngo yô, ka ve tseegh ve lu mba ken icôngo ye. Ve surum ishima kpishi je.

¹²Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.

¹³Gadia m ngu eren shiada sha kwagh na mer, a nôngo tsung sha ci wen kua mba ve lu ken Laodishia man Hierapoli.

¹⁴Luka ortwer u doon ishima ngu sughun ne kua Dema kpaa.

¹⁵Sugh nen anmgbianev mba ken Laodishia man Numfa kua nongo u Kristu u ken ya na cii nam nen.

¹⁶Man zum u né ôr washika ne, né bee yô, na nen i̱ ôr un ken nongo u Kristu u Laodishia kpaa. Ne kpaa, ôr nen washika u hen Laodishia la.

¹⁷Kaa nen Arekipu ner: Ver ishima sha tom u u ngohol hen Ter la sha u eren u sha mi vough.

¹⁸Ishughun i mo Paulu sha uwegh agh. Umbur nen ikangenev yav. Mrumun u sha mhôôn a̱ lu sha a ven.