Read tiv Yosua 15 Bible Online

Yosua 15 - tiv bible

Yosua 15

¹Kwe u ônov mba Yuda sha icombor ve yô, kwar ve ar hen ikighir i Edom, vegher u ken imbusutariyan, ar sha toho u Zin yem vegher u imbusutariyan ca je.

²Ikighirtar ve i ken imbusutariyan yô, hii hen mkur u Zegemnger u Bar, hen zongough ku mngeregh ku ku ver ishigh vegher u ken imbusutariyan la,

³i due ken vegher u mkende u Akrabim ken imbusutariyan la, i kar i ar sha Zin, i due sha Kadeshi-barnea vegher u ken imbusutariyan, i kar hen Heseron, i unde sha Adar, i gese i va hen Karka,

⁴i kar i yem hen Asemon, i va due hen uwagh u Igipiti; ikighirtar la za kure hen zegemnger; ingin ia lu ikighir yen i ken imbusutariyan la.

⁵Ikighir i vegher u sha ityoughkitaregh yô, lu Zegemnger u Bar zan zan za ar hen iasegh i Yordan. Ikighir i vegher u hen imbusutarimese yô, hii hen zongough ku zegemnger hen iasegh i Yordan la;

⁶ikighirtar la unde sha Bete-hogela i kar Bete-araba vegher u ken imbusutarimese la, i unde i za ar sha iwen i Bohan wan u Ruben;

⁷ikighirtar la due shin pev u Akor kôndo za ar sha Debir gema yem vegher u ken imbusutarimese, hen Gilgal u a lu sha ishigh ki mkende u Adumim u a lu uwagh vegher u ken imbusutariyan la; ikighir la kar zan zan za ar hen mngerem ma En-shemese, za kure hen En-rogel;

⁸ikighir la kôndo hen pev u Ben-hinom za ar hen ikooso i uwo u Mbayebushi, vegher u ken imbusutariyan la (ka Yerusalem je la); ikighir la unde za ar sha ityough ki uwo u u lu sha ishigh ki pev u Hinom vegher u shin ityôtar, u u lu sha mkur u pev u Refaim vegher u ken imbusutarimese la;

⁹sha ityough ki uwoogh, ikighir la gese za ar hen imbormnger i Nefetoa, kar za due hen agar a uwo u Eferon; shi ikighir la gese ar hen Baala (ka Kiriati-yearim je la);

¹⁰hen Baala ikighir la gema ningir yem vegher u shin ityôtar za ar hen uwo u Seir, i kar i za hen ikooso i uwo u Yearim vegher u ken imbusutarimese la (ka Kesalon je la), i sen i va shin Bete-shemeshi, kar yem hen Timna;

¹¹ikighir la due sha ikooso i uwo u Ekeron vegher u hen imbusutarimese la, ikighir la gese za hen Shikeron, i kar sha uwo u Baala, i due hen Yabenel; ikighir la za kure hen zegemnger;

¹²Ikighir i ken vegher u shin ityôtar yô, i lu Zegemnger u Tamen man ikighir na. Ingin ka ikighirtar i ônov mba Yuda, ningir cii, sha icombor ve.

¹³Man a na Kalebu wan u Yefune kwar ken ônov mba Yuda, er TER kaa a Yosua nahan, ka Kiriati-arba, ka Heberon je la; Arba la lu ter u Anaki.

¹⁴Tsô Kalebu zenda ônov mba Anaki mba utar hen ijiir la kera, ka Sheshai man Ahiman kua Talmai ônov mba Anaki.

¹⁵A kôndo keela a za nôngo ityav a mba ve tema ken Debir la; iti i Debir tsuaa yô, er, Kiriati-sefer.

¹⁶Tsô Kalebu kaa er: Or u nana hemba Kiriati-sefer, nana ngohol un yô, me na nan wan wam u kwase, Akesa, nana er.

¹⁷Nahan Oteniel wan u Kenashi anngô u Kalebu, ngohol un; tsô a na un wan na u kwase, Akesa, a er.

¹⁸Tsô zum u a lu van hen na yô, a za un iyol er a̱ sôn ter na tiôntar ugen; tsô a hungwa sha jaki na, Kalebu pine un er: Ka nyi i sar uwe?

¹⁹A kaa er: Erem iwua, gadia u nam tar u tseghe tseghe; yô, nam amboramnger kpaa. Nahan a na un ambor a sha kua a shin kpaa.

²⁰Ngun ka dyako u kwe u ônov mba Yuda sha icombor ve.

²¹Agar a sha ikighirtar i kwe u ônov mba Yuda zan zan za ar hen ikighirtar i Edom ken tar u Imbusutariyan la yô, ka: Kabeseel man Eder man Yagur,

²²man Kina man Dimona man Adada,

²³man Kedeshi man Hasor man Itenan,

²⁴man Shiv man Telem man Bealoti,

²⁵man Hasorhadatan man Kerioti-heseron (ka Hasor je la),

²⁶Amam man Sema man Molada,

²⁷man Hasar-gada man Heshemon man Bete-peleti,

²⁸man Hasar-shual man Bersheba man Bishiotia,

²⁹Baala man Iyim man Esem,

³⁰man Eltoladi man Keshil man Horma,

³¹man Shikelagi man Mademana, man Sansana,

³²man Lebaoti man Shilhim man Ain kua Rimon; agar ne cii nga ikundu kar ataankaranyiin kua agar a kiriki a a kase a la.

³³Shin pev u delaa, Estaol man Sora man Ashena,

³⁴man Sanoa man En-ganim, Tapua man Enam,

³⁵Yarmuti man Adulam, Soko, man Aseka,

³⁶man Shasaraim man Aditaim man Gedera man Gederotaim; agar pue kar anyiin kua agar a kiriki a a kase a la.

³⁷Senan man Hadasha man Migedal-gadi,

³⁸man Dilean man Misepe man Yoketeel,

³⁹Lakishi man Bosekati man Egelon,

⁴⁰man Kabon man Laman man Kitelishi,

⁴¹man Gederoti, Bete-dagon man Naama man Makeda; agar pue kar ataratar kua agar a kiriki a a kase a la.

⁴²Libena man Eter man Ashan,

⁴³man Ifeta man Ashena man Neshibi,

⁴⁴man Keila man Akeshibi man Maresha; agar ataankaranyiin kua agar a kiriki a a kase a la.

⁴⁵Ekeron man agar a na kua agar a kiriki a a kase a la;

⁴⁶hii hen Ekeron zan zan za ar hen zegemnger, tar u dondo a Ashedodi cii kua agar a kiriki a u la kpaa.

⁴⁷Ashedodi, agar a na kua agar a kiriki a a kase a la; Gasa, agar a na kua agar a kiriki a a kase a la, zan zan za ar hen uwagh u Igipiti man Zegemnger u Tamen man ikighir na.

⁴⁸Sha tar u iwoogh yô; Shamir man Yatir man Soko,

⁴⁹man Dana man Kiriati-sana (ka Debir je la),

⁵⁰man Anabi man Eshetemo man Anim,

⁵¹man Goshen man Holon man Gilo; agar pue kar môm kua agar a kiriki a a kase a la.

⁵²Arabi man Duma man Eshan,

⁵³man Yamin man Bete-tapua man Afeka,

⁵⁴man Humeta man Kiriati-arba (ka Heberon je la), man Shior; agar ataankaranyiin kua agar a kiriki a a kase a la.

⁵⁵Maon man Karmel man Shiv man Yuta,

⁵⁶man Yesereel man Yokedeam man Sanoa,

⁵⁷Kain man Gibea man Timna; agar pue kua agar a kiriki a a kase a la.

⁵⁸Halhul, Bete-sur man Gedor,

⁵⁹man Maarati man Bete-anoti man Eletekon; agar ataratar kua agar a kiriki a a kase a la.

⁶⁰Kiriati-baal (ka Kiriati-yearim je la), man Raba; agar ahar kua agar a kiriki a a kase a la.

⁶¹Ken toho yô: Bete-araba man Midin man Sekaka,

⁶²man Nibeshan man Gar u Bar man En-gedi; agar ataratar kua agar kiriki a a kase a la.

⁶³Kpa Mbayebushi, mba ve tema ken Yerusalem yô, ônov mba Yuda fatyô u zendan ve kera ga; nahan Mbayebushi tema a ônov mba Yuda imôngo ken Yerusalem zan zan nyian.