Read tiv Mbaajiriv 16 Bible Online

Mbaajiriv 16 - tiv bible

Mbaajiriv 16

¹Tsô Semson za ken Gasa, a nenge a idyakwase her, maa a nyôr hen a na.

²I kaa Mbagasa er: Semson va heen. Tsô ve kase un, ve kegh un hen hundagar, tugh mbula cii, ve lu ving tugh cii, ve lu kaan er: Sev mbu̱ av, tsô sé wua un.

³Tsô Semson yav zan zan ateghôtôutu, a mough ateghôtôutu la, a kôr ucivir mba hundagar man ikpande ihiar i ambusu a hunda la, a tsuwa i a ishindan cii, a gbire sha avande, a yem a mi sha ityough ki uwo u u lu sha ishigh ki Heberon la.

⁴Tsô ken masetyô la kwase ugen shi doo un ishima hen pev u Soreki, iti na er Delila.

⁵Nahan atiator a Mbafiliti va her a na, ve kaa a na er: Mee un, fa er i hii ve, a taver agee yum la, man er sé er ve sé hemba un, sé kange un, una hingir teleghor yô; yô, hanmô wase nana na u agbenger a azurfa dubu man deri.

⁶Tsô Delila kaa a Semson er: Shi kaam er i hii man agee ou a taver yum nahan yô, man shi kaam kwagh u á kange u a mi man ú hingir teleghor yô.

⁷Semson kaa a na er: Aluer á kangem sha ikange i adaagh i he itiankarihiar i i vande tsenen i ga yô, me hingir teleghor, me lu er orgen nahan.

⁸Tsô atiator a Mbafiliti va na un ikange i adaagh i he i he itiankarihiar i i vande tsenen i ga yô, a kange un sha i.

⁹A ver mbayeren, yer lu keghen hen iyou i yaven. Tsô a kaa a na er: Mbafiliti tser u ve Semson. Tsô a tôndo ikange la er abamou ka a vihi zum u ka una kôr usu nahan. Nahan i fa agee na ga.

¹⁰Tsô Delila kaa a Semson er: Nenge, u ngu nzughul a nzughul a mo, u erem aie kpaa; nahan shi kaam, ka nyi je á kange u mini?

¹¹A kaa a na er: Aluer á kangem sha ikor i he i he i i lu a vande eren kwagh a mi mayange ga yô, me hingir teleghor, me lu er orgen nahan.

¹²Tsô Delila tôô ikor i he i he, kange un a mi, a kaa a na er: Nenge, Semson, Mbafiliti tser u ve. Yô, mbayeren lu keghen ken iyou i yaven. Nahan a tôndo i sha ave na kera er ka mou yô.

¹³Tsô Delila shi kaa a Semson er: Zan zan hegen u ngu nzughul a nzughul a mo, man u erem aie kpaa; nahan kaam, ka nyi je á kange u mini? A kaa a na er: Aluer u kôr ayôr a gbatyou ataankarahar a sha ityough yagh, ú nyôr a mi ken ikav mbi ikondov ú tume yô.

¹⁴Nahan a tume a, a shindi imande sha mi, tsô a kaa a na er: Semson, Mbafiliti tser u ve, nahan a nure a nder, a tsuwa imande kua ice i i tum i la cii kera.

¹⁵Tsô a kaa a na er: Hii nan man u kaa wer: U doom ishima, man ishima you i lu sha a mo ga? Nahan u nzughul a mo, ka kwa tar je ne, u kaam, er i hii man u taver agee yum nahan ga.

¹⁶Tsô er a za un iyol ayange ayange sha akaaôron a na tsung, man shi lu kumbur a na yum yô, ishima vihi un je ar ken ku.

¹⁷Nahan a pase un ishima na cii, a kaa a na er: Mayange mba a karem atsem sha ityou ga, gadia mo m ngu Ornaseri u Aôndo er m lu ngôm ken uya je; aluer á hondom ityough yô, agee am aa undum, me hingir teleghor, me lu er orgen nahan.

¹⁸Er Delila kav er a pase un ishima na cii yô, a tindi i yila utor mba Mbafiliti, a kaa er: Va nen ase hegen, gadia a pasen ishima na cii ve. Nahan utor mba Mbafiliti va her a na a inyaregh sha ikev ve.

¹⁹Tsô a mee Semson yav un sha ikum, hungul mnyam; nahan a yila orgen va tôndo un ayôr a gbatyou a ataankarahar la; tsô a hii u eren un ican, agee a na kpaa undu un.

²⁰Nahan a kaa er: Semson, Mbafiliti tser u ve. Tsô a nure a nder, a kaa er: Me due er m dugh keke nahan, me nduur iyol yam me osough kera. Kpa a fa er TER A undu un ga.

²¹Tsô Mbafiliti kôr un, ve ongor un ashe; ve va a na shin Gasa, ve kange un sha mshirim ma togula; lu eren tom u wuan kwagh sha nase ken gaadi.

²²Kpa ice na i sha ityou i i tôndo kera la shi hii u menden.

²³Tsô atiator a Mbafiliti kohol er vea na aôndo ve Dagon, nagh ku vesen, shi vea ember kpaa; gadia ve kaa er: Aôndo wase na Semson orihom wase sha ikev yase.

²⁴Zum u ior nenge a na yô, ve wuese aôndo ve; ve kaa er: Aôndo wase na orihom wase sha ikev yase ve, u a vihi se tar ca ca shi a woo se kpishi kpaa ne.

²⁵Tsô er asema a ve lu ember nahan yô, ve kaa er: Va a Semson, a̱ va er akaahômon sha ishigh yasegh. Tsô ve yila Semson due ken gaadi, gba va eren akaahômon sha ishiv vev; ve ver un her atô u ityôv.

²⁶Semson kaa a wanye u kôr un sha uwe la, er: Shi de, m̱ bende ityôv mbi iyou ne i til sha mi ne m̱ lian ken mbi yô.

²⁷Iyou la iv a nomso man kasev; atiator a Mbafiliti cii kpaa lu ker; sha tembeyough u sha kpaa nomso man kasev tema sha mi er dubu utar nahan, ve lu kenger Semson lu eren akaa a hômon yô.

²⁸Tsô Semson sôn TER, kaa er: Tere, AÔNDO, ma U shi umbur mo, mase taver mo kwa ne tseegh tsô, Aôndo, m̱ or iyev i ashe am ne icin i môm sha Mbafiliti mban.

²⁹Tsô Semson kôr ityôv mbi ihiar mbi her atô, mbi iyou tile sha mi la, ityôgh kigenegh ken uwegh nagh ku yanegh, kigenegh ken uwegh ku imesegh, a yier ken mbi.

³⁰Nahan Semson kaa er: De, m̱ hungwa a Mbafiliti imôngo. Nahan a ngurum a tuur sha agee a na cii; tsô iyou la yôhôl, kighir atiator la, kua ior mba ve lu ker la cii; nahan ior mba a hungwa a ve, ve hemba mba a wua zum u a lu uma la iyenge.

³¹Tsô anmgbianev nav, man mba hen ya u ter na cii, ve sen ve va tôô un, ve kôndo a mi, ve za ii un hen harga u Sora vea Esetaol ken uwar u ter na, Manoa. A lu orjir ken Iserael anyom ikundu.