Read tiv Mpase U Yohane 10 Bible Online

Mpase U Yohane 10 - tiv bible

Mpase U Yohane 10

¹M shi m nenge ortyom u Sha ugen, u ageegh, lu senen Sha, a cir ibeenegh iyol, ikume i sha aôndo kpaa lu sha ityough nagh, ishigh nagh lu er iyange nahan, angahar a na lu er mtôm ma usum nahan.

²Lu a wantakerada sha uwe ivegher. A ndyar nguhar ku iyan sha zegemnger man shi a ndyar nguhar ku imese sha tar.

³A genger imo er ka kume u begha nahan. Er a genger imo yô, idyuran i itiankarihiar dura.

⁴Er idyuran i itiankarihiar la dura yô, m wa iyol u ngeren, kpa m ungwa imo due Sha kaa er: Cir kwagh u idyuran i itiankarihiar la i kaa la, ver ikav sha mi, de ngeren ga.

⁵Ortyom u Sha u m nenge a tile sha zegemnger man sha tar kpaa la a kende uwegh nagh ku yanegh sha je,

⁶a bum Un u A lu uma gbem sha won u A gbe Sha kua akaa a a lu ker cii man tar kua akaa a a lu sha mi cii man zegemnger kua akaa a a lu shimi cii, a kaa er, mayange á kera ngôôr je ga

⁷kpa sha ayange a ortyom u Sha u sha utaankaruhar la, zum u una tôngo yô, kwaghmyer u Aôndo la una kure er A lu pasen uprofeti, mbatomov Nav la nahan.

⁸Tsô imo i m vande ungwan Sha la, shi ôr kwagh a mo kaa er: Za, za tôô takerada u a lu ivegher ken uwegh ku ortyom u Sha u a til sha zegemnger man sha tar la.

⁹Nahan m za hen ortyom u Sha la, m kaa a na mer, a̱ nam wantakerada la. Tsô a kaa a mo er: Ngohol, ya, una yua u shin uya, kpa ken zwa yô, una nyoho er ka iyough nahan.

¹⁰Nahan m ngohol wantakerada la ken uwegh ku ortyom u Sha la, m ya, nyohom ken zwa er iyough nahan. M ye kera yô, gema yuam shin uya.

¹¹Shi i kaa a mo er: Ka u shi ú ôr kwaghôron u profeti sha kwagh u iniongo i ior kpishi man akuraior kpishi man ijô kpishi man utor kpishi keng.