Read Tobelo O KEJADIAN 5 Bible Online

O KEJADIAN 5 - Tobelo bible

O KEJADIAN 5

¹ Nenanga o Adam aidifauku manga roma-romanga. [Maöraha ma Jou Madutu wohidadi o nyawa, wahidadi önanga hokä ma Jou Madutu mahirete.

² Wahidadi önanga o nauru deʼ ongoheka. Wahibarakati önanga deʼ wahi romanga önanga ”O nyawa”.]

³Maöraha o Adam ai umuru o taongo o ratuhu moi deʼ moruange ünanga wamake o ngohaka o nauru hokä imatero de ai rupa, daha wihi romanga o Set.

⁴Iböto gënanga o Adam wowangohi o taono o ratuhu tufange ohi deʼ wamake o ngoha-ngohaka ma homoahi.

⁵Unanga wohonenge ai umuru o taongo o ratuhu hiwo deʼ moruange.

⁶Maöraha o Set ai umuru o taongo o ratuhu moi deʼ motoa ünanga wamake o ngohaka o nauru, ai romanga o Enos.

⁷Iböto deʼ gënanga o Set kawowangohi o taongo o ratuhu tufange deʼ tumidohi deʼ wamake o ngoha-ngohaka mahomoa.

⁸Unanga wohonenge ai umuru o taongo o ratuhu hiwo deʼ ngimoi de hinoto.

⁹Maöraha o Enos ai umuru o taongo morihiwo, ünanga wamake ngohaka o nauru, ai romanga Kenan.

¹⁰Iböto gënanga o Enos kawowangohi o taongo o ratuhu tufange deʼ ngimoi deʼ motoahi deʼ wamake o ngoha-ngohaka mahomoa.

¹¹Unanga wohonenge ai umuru o taongo o ratuhu hiwo deʼ motoa.

¹²Maöraha o Kenan ai umuru o taongo moritumidi, ünanga wa make o ngohaka o nauru, ai romanga o Mahalaleel.

¹³O Kenan kawowangohi o taongo o ratuhu tufange deʼ moruatohi deʼ wamake o ngoha-ngohaka mahomoa.

¹⁴Unanga wohonenge ai umuru o taongo o ratuhu hiwo deʼ ngi moi.

¹⁵Maöraha o Mahalaleel ai umuru o taongo moributanga deʼ mo toa ünanga wamake o ngohaka o nauru ai romanga o Yered.

¹⁶Iböto gënanga o Mahalaleel kawowangohi o taongo o ra tuhu tufange deʼ moruangeohi deʼ wamake ngoha-ngohaka mahomoa.

¹⁷Unanga wohonenge ai umuru o taongo o ratuhu tufange deʼ morihiwo deʼ motoa.

¹⁸Maöraha o Yered ai umuru o taongo ratuhu moi deʼ mori butanga deʼ hinoto, ünanga wamake o ngohaka o nauru ai romanga o Henokh.

¹⁹I bö gënanga o Yered kawowangohi o taongo o ratuhu tufangeohi deʼ wamake o ngoha-ngohaka mahomoa.

²⁰Unanga wohonenge ai umuru o taongo o ratuhu hiwo deʼ moributanga deʼ hinoto.

²¹Maöraha o Henokh ai umuru o taongo moributanga deʼ motoa, ünanga wamake o ngohaka o nauru ai romanga o Metusalah.

²²Iböto gënanga o Henokh wowango o rimoi magoronaka deʼ ma Jou Madutu madekana o taongo o ratuhu hange, ünanga wamake o ngoha-ngohaka mahomoa,

²³deʼ wakunu ai umuru o taongo o ratuhu hange deʼ moributanga deʼ motoa.

²⁴ Karana o Henokh salalu ima dodiawo deʼ ma Jou Madutu, ünanga womahihanga karana ma Jou madutu wï l̄ë.

²⁵Maöraha o Metusalah ai umuru o taongo o ratuhu moi deʼ moritufange deʼ tumidi, ünanga wamake o ngohaka o nauru, ai ro manga o Lamekh.

²⁶I böto gënanga o Metusalah kawowangohi o taongo o ratuhu tumidi deʼ moritufange deʼ hinotohi deʼ wamake o ngoha-ngohaka mahomoa.

²⁷Unanga wohonenge ai umuru o taongo o ratuhu hiwo deʼ moributanga deʼ hiwo.

²⁸Maöraha o Lamekh ai umuru o taongo o ratuhu moi deʼ moritufange deʼ hinoto, ünanga wamake o ngohaka o nauru.

²⁹O Lamekh wotemo, ”Ngohaka nënanga wohi hidöaka o muguwini maöraha ngone homanarama ikuata hakarajanga otonaka ma Jou walololai.” Karana gënanga o Lamekh wihiromanga o ngohaka gënanga o Nuh.

³⁰Iböto gënanga o Lamekh kawowangohi o taongo o ratuhu motoa deʼ morihiwo deʼ motoali.

³¹Unanga wamake o ngoha-ngohaka mahomoa deʼ wohonenge ai umuru o taongo o ratuhu tumidi deʼ moritumidi deʼ tumidi.

³²O Nuh ai umuru o taongo o ratuhu motoa i böto, ünanga wamake o ngohaka o nauru yaruange, enagënanga o Sem, o Yafet deʼ o Ham.