Read Tobelo O KEJADIAN 7 Bible Online

O KEJADIAN 7 - Tobelo bible

O KEJADIAN 7

¹Daha ma Jou witemo o Nuhika, ”Ngohi tamake ngona noma tengokahi dika o nyawa yadodiai Ahi mau. Ho, nowohama o kapa gënanga magoronaika kamamoi deʼ ngoni hekata deʼ ani ngoha-ngohaka.

²Nao o totaleo o rupa moi-o rupa moi o habi tumidi deʼ o aiwani mahomoahi i hohalali, mä i hoharamuino duga-duga o habi moi dika o rupa moi-o rupa moi. Nodiai gënanga hupaya o rupa moi-o rupa moi o aiwani i binahaua deʼ yakunu i fätoli o duniaka.

⁴O wange tumidohi Ngohi aha tohiguti o awana i ogo-ogorua ma dekana o hutu moruata deʼ o wange moruata, hupaya o dodadi i wöwango-wango Tohidadadioka o duniaka gënanga i binaha.”

⁵Daha o Nuh wadiai hagala ma Jou wihipopareta ünangika.

⁶O Nuh ai umuru o taongo o ratuhu butanga maöraha o taufani imadadi o duniaka.

⁷ O Nuh deʼ ngoihekata, de aingoha-ngohaka de toönanga manga heka-hekata yowohama o kapa gënanga magoronaika mangale manga diri ihihalamati deʼ o nguihi.

⁸Ma nauru moi deʼ ma beka moi o rupa moi-o rupa moi o totaleo deʼ o aiwani mahomoahi — kayaoa ihohalali kayaoaö i ho haramu —

⁹iwohama o kapa gënanga magoronaika kamamoi deʼ o Nuh ima moteke deʼ ma Jou Madutu Aipareta.

¹⁰O wange tumidi ipahaika o taufani i böa yaolu o dunia.

¹¹ Maöraha o Nuh ai umuru o taongo o ratuhu butanga, o wange ngimoi deʼ tumidi o mede mahinotoka, ipooteke hagala o akere malako o dunia matimiuku. Hagala o akere mangorana o dihangoka ihelenga,

¹²deʼ o awana iuti madekana o hutu moruata deʼ o wange moruata.

¹³O wange gënangaö, o Nuh deʼ ngoihekata yowohama o kapa ma goronaika kamamoi deʼ aingohaka yaruange, enagënanga o Sem, o Yafet deʼ o Ham kamamoi deʼ toönanga manga heka-hekata.

¹⁴Kamamoi dede önanga iwohamoli o rupa moi-o rupa moi o totaleo deʼ o aiwani mahomoaohi, kayaoa i dana-dana kayaoaö i huhuku, ma ago-agomo kayaoa mahohumujuru.

¹⁵Ma nauru moi deʼ ma beka moi o rupa moi-o rupa moi o dodadi i wango-wango iwohama o kapa gënanga magoronaika kamamoi deʼ o Nuh,

¹⁶ima moteke deʼ ma Jou Madutu Aipareta unangika. Mata-mata yowohama iböto, ma Jou wabeno o kapa mangorana.

¹⁷O taufani gënanga gila-gila yaolu madekana o wange moruata, deʼ o akere imadadi kayaoa ma gurutil̄e hiädono o kapa gënanga yakunu ipuda.

¹⁸O akere idogo-dogo ikurutil̄e, deʼ o kapa gënanga ipuda-puda mal̄okuoka.

¹⁹O akere gënanga gila-gila idogo ikurutil̄e, hiädono ya luhungu ol̄oku-ol̄oku duru ikokurutil̄e.

²⁰O akere gila-gila idoa hiädono o l̄oku ma tubu-tubuoka de o metere tumidil̄e yadono magurutil̄e.

²¹Ma Jou wabinaha hagala o dodadi iwö wango-wango o duniaka nënanga: o nyawa, o totaleo deʼ o aiwani o dudungoka kaya oa mahohumujuru kayaoa ma ago-agomo. Yobinahaua duga-duga o Nuh deʼ mata-mata naga kama moi dede ünanga o kapa gënanga magoronaka.

²⁴O akere koi owa-owahua madekana o wange o ratuhu moi deʼ moritoa.