Read Tobelo O KEJADIAN 8 Bible Online

O KEJADIAN 8 - Tobelo bible

O KEJADIAN 8

¹Ma Jou Madutu wïwohangua o Nuh deʼ hagala o aiwani naga dede ünanga o kapa gënanga magoronaka. Ma Jou Madutu wadiai o hidal̄oko iwuwu, hiädono o akere gënanga imulaenge iowaha.

²Mata-mata o akere malako o dunia matimiuku deʼ mata-mata o akere mangorana o dihangoka wabeno. O awana imatogumu deʼ o akere idogo-dogo iowaha.

³Ipaha o wange o ratuhu moi deʼ moritoa o akere hokokiaokaua magurutil̄e

⁴O wange ngimoi deʼ tumidoka o mede matumidoka, o kapa gënanga itirï o Ararat mal̄oku mabuturungu moi matubuoka.

⁵O akere gila-gila iowaha deʼ o wange mahira o mede ma ngimoioka, hagala o l̄oku matubu mulaenge yamake.

⁶Ipaha o wange moruata, o Nuh wahelenga o kapa majangela o gahumu moi, deʼ wahoho moi o totaleo o wogono.

⁷O totaleo gënanga iliokaua o kapaino duga-duga gila-gila ihoho yakaika yakaino hiädono o taufani ma akere duru mata-mata iowahoka.

⁸Itai-taitino gënanga, o Nuh wahoho moi o totaleo o namo dara la wohiöriki boteka o akere gënanga igoungu iowahoka.

⁹Mä karana o akere kaya tamunukuohi o dunia mal̄okuino mata-mataika, o totaleo o namodara gënanga mangale itangi imä makeua o ngï. Done enanga imakilioro o kapaika; o Nuh wohi doakika ai giama ipaha wao wohingohama.

¹⁰O Nuh wodamä o wange tumidoli, daha wahoholi o totaleo o namodara gënanga.

¹¹O wange o bobimaoa o totaleo gënanga imakilioro ünangika iao o hoka moi o zaitun magota mahoka ma hungi-hungi ma uruoka. O öraha nënanga o Nuh wohiöriki o akere iowahoka.

¹²Iböto wotamä o wange tumidoli, ünanga wahoholi o namo dara gënanga ma moioli; deʼ mamoi gënanga o totaleo gënanga i ma kiliorokaua unangika.

¹³Maöraha o Nuh ai umuru o taongo o ratuhu butanga deʼ moi o wange moioka o mede mamoioka, o akere iowahoka duru i mata-mataka. O Nuh wahelenga o kapa gënanga majangela, deʼ womä lega magilolitino. Unanga wamake o tonaka mal̄okuino idudungoka.

¹⁴Mawange monaoko deʼ tumidi o mede mahinotoka, o dunia idu-dungoka.

¹⁵Daha ma Jou Madutu witemo o Nuhika,

¹⁶”No hupu o kapaino gënanga kamamoi deʼ ngoni hekata, ani ngoha-ngohaka deʼ toönanga manga heka-hekata.

¹⁷Nao nohihupu o totaleo mata-mata deʼ o aiwani mahomoaohi, ma ago-agomo kayaoa mahohumujuru, hupaya enanga yakunu ifäta i ngohaka deʼ imahigerewoto o dunia yamode-modekika.”

¹⁸O Nuh wohupu o kapaino gënanga, kamamoi deʼ ngoi hekata, aingoha-ngohaka deʼ toönanga manga heka-hekata.

¹⁹Mata-mata o totaleo deʼ o aiwani o dudungika ihupu o kapa ino gënanga, moi-moi deʼ matika kamamoi o rupa moi-orupa moi.

²⁰O Nuh wohigoko o gahumu moi o huhuba mangï mangale ma Jou. Wal̄e o rupa moi-o rupa moi ototaleo moi deʼ aiwani mahomoaohi ihohalali, daha wohihuba hokä o huhuba yatö tuhu-tuhuku o huhuba mangï gënanga mal̄okuoka.

²¹Mabounu mahemoro o huhuba wohihuba-huba gënanga yasanangi ma Jou Ai hininga, deʼ ünanga wotemo ai hiningaka, ”Ngohi aha kowalioka Talolai o dunia nënanga karana o nyawa manga manarama; Ngohi tohiöriki kaogikiri magöohi, o nyawa manga dibanga gënanga itorou. Ngohi aha komaiwaka tabinaha hagala o dodadi iwowango-wango hokä nënanga ahaö Tadodiai nënanga.

²²Hokokia madekana naga o dunia nënanga, salalu aha naga o dadatomo maöraha deʼ o gugutuku maöraha, o dumamata maöraha deʼ o hiwara maöraha, o wange-wange deʼ o hutu-hutu.”