Read Tobelo O SAMUEL MAHINOTOKA 23 Bible Online

O SAMUEL MAHINOTOKA 23 - Tobelo bible

O SAMUEL MAHINOTOKA 23

¹O Daud o Isai aingohaka wodadi o koano deʼ iwidiai wodadi o nyawa yolago-agomo o Yakub ai Jou Madutu. Unangö wotulihi o nyanyi-o nyanyi mangale o Israeloka. Nënanga o Daud ai demo mabobaha:

²ma Jou Ai Womaha itemoka itilakuru ngohi; o behehongo deʼ Ai pareta naga ahi uru makaioka.

³O Yakub ai Jou Madutu wotemoka; Ngohino o Israeloka manga hohohongo wotemo: ”O Koano wä popareta o kawaha deʼ ma adili wä tuda deʼ ai hingounu ma Jouika,

⁴Unanga hokä ibatingoka madararono ipotoka ka o ngoru-ngoruminohi maöraha o dihanga itotararono. Unanga hokä o wange madararono o awana ipahaino, yadiai o momo i ijo mahailoa kahamoleletongo.”

⁵Hoko gënanga ahi gutiuku ma Jou Madutu wahï barakati, Ai jaji ngohino, ingaliua, Ai jaji gënanga ikakali deʼ itotomo, duru madatoro yaoa hagala okia magoronaka. Ma Jou Madutu watagongo ahi utumu deʼ watarima hagala ahi hininga mamau.

⁶Mä o nyawa iwihi ngounua ma Jou hokä o hihika ihi kaweli. O nyawa manga giama yakunua yasö;

⁷o nyawa moiuaö yomau yatigi koiwa o pakakaha o gotaino ekola o behi. Hagala o nyawa gënanga yobinaha yä ol̄omo o uku.

⁸Nenanga o Daud aitentara manga balu-baluhu manga romanga yahö heto-hetongo: Madodi hiraka enagënanga o Ishbaal, o Hakhmoni manyawa, ”O Doomu Hangeoka” (Triwira) matutuda. Mamoi iböto o parangi magoronaka ünanga walawani o nyawa yaratuhu tufange deʼ wätoma önanga mata-mata deʼ ai kuama.

⁹O nyawa mahinotoka, yaruange yonö nau-nauru magoronaka gënanga enagënanga o Eleazar o Dodo aingohaka o Ahohino manyawa. Unanga winïki o Daud maöraha önanga yahimanga o Filistin manyawa ima toomu inoka mangale imateke parangi. Daha maöraha o Israel manga duduono ima dohuku,

¹⁰o Eleazar gila-gila waparangi wahibinaha o Filistin manyawa hiädono ünanga duru iwi bole. Ai giama yodo honengoka hiädono ünanga wakunokaua wapidili ai oworo. O wange gënanga ma Jou wahidöaka o utumu ma amoko o Israel okaika. O Israeloka manga duduono imadö dohu-dohuku kangano, ima idulu o Eleazar imateke poparangi mangï ika, daha ima ngaiki o baju ihi poparangi o maiyeti-o maiyetiino genangoka.

¹¹O nyawa mahangeoka yaruange yokokapita magoronaka gënanga, enagënanga o Sama o Age aingohaka o Harari ino. Ma moi iböto maöraha o Filistin manyawa ima toomu o Lehi, o dumule moioka iomanga o tanuma madoka-dokara, o Filistin manyawaika deʼ yopiringana o Israeloka manga duduono.

¹²Mä o Sama kahirahi waparangi, deʼ wätoma deʼ wä hohihangoka o Filistin manyawa, hiädono wohasili woriwo o dumule gënanga. Hoko gënanga ma Jou wahidöaka o utumu ma amoko.

¹³O wange mahomoa yododagika maöraha o gugutuku, o Daud aitentara manga baluhuino yamoruange, yaruange yonö nau-nauru youti o Adulam ma arukuku. Oraha gënanga o Daud naga o kota magoronaka o arukoka gënanga. O Filistin manyawa ima tau o Refaim ma Waioka, deʼ o duduono moi onangino yogogere o Betlehem.

¹⁵O Daud duru wonahihu ai berera madutu gënanga deʼ wotemo, ”Uwe, hohiade ngohi ihihidöaka o akere o humuino o Betlehem mangorana ma amo-amoko madatekoka!”

¹⁶Yoihene gënanga manga baluhu yaruange gënanga yakaika yatilakuru o Filistin manyawa manga tau, daha yauiti o akere o humuino gënanga, ipaha yao o Daudika. Mä o Daud woluku waokere, koaholi wakopoa hokä o huhuba ma Jouika.

¹⁷Unanga wato, ”Ya Jou, ngohi takunua taokere o akere nënanga! Nako taokere, matero-tero ngohi taokere manga awunu o nyawa ihi tai-taioka toönanga manga nyawa!” Hoʼ o Daud utuö deʼ wa okerua o akere gënanga. Genanga manga oa-oa o nyawa yaruange yoparangi yonö nau-nauru gënanga.

¹⁸O tentara manga baluhu yamoruange yanako-nako gënanga yahi romangö ”Tridasawira”. Onanga wä tuda o Abisai o Yoab aidodoto, o ngo Zeruya ami ngohaka. Mamoi iböto ünanga wa honenge o nyawa yaratuhu hange deʼ ai kuama. Karana gënanga ünanga idadi kaiwi heto-hetongo. Mä ünanga imaketeroua deʼ ”Ya ruange yonö nau-nauru.”

²⁰Womatengo o tentara manga baluhu mahomoa iwihö heto-hetongo enagënanga o Benaya o Yoyada aingohaka o Kabzeel manyawa. Unanga duru wobarani. O nyawa yahinoto yonö nau-nauru manga ago-agomo o Moabino wätomaka. Mamoi iböto o wange moiuku madodumoata, ünanga wowohama o baiti moi magoronaika, daha watoma o singa o dutu moi genangoka.

²¹Unanga mamoi iböto wïtoma o Mesir manyawa womatengo, wokö kua-kuata deʼ ai däe o kuama. O Benaya wihimanga duga-duga deʼ o diki-diki. O kuama naga o Mesir manyawa ai giamoka gënanga waora daha wapake mangale wihi toma o nyawa gënanga.

²²Genanga ai oa-oa o Benaya, womatengo ”yamuruange yonö nau-nauru manga hidogoronaino.”

²³O doomu gënanga magoronaka o Benaya duru mahimangoka, mä ünanga ima keteroua ”Yaruange yonö nau-nauru”. O Daud wigoraka ünanga wodadi ai diri magogoana manga haëke.

²⁴Manyawa mahomoa o ”yamoruange yonau-nauru” ino enagënanga: O Asael o Yoab ai dodoto O Elhanan o Dodo aingohaka o Betlehem manyawa O Sama deʼ o Elika o Harod manyawa O Heles o Palti manyawa O Ira o Ikes aingohaka o Tekoa manyawa O Abiezer o Anatot manyawa O Mebunai o Husa manyawa O Zalmon o Ahohi manyawa O Maharai o Netofa manyawa O Heleb o Baana aingohaka o Netofa manyawa O Itai o Ribai aingohaka o Gibea manyawa, o Benyamin ai höana madaera oka. O Benaya o Piraton manyawa O Hidai o Gaas ma wai-wai manyawa O Abialbon o Araba manyawa O Azmawet o Bahurim manyawa O Elyahba o Saalbon manyawa O Yasyen aingoha-ngohaka O Yonatan O Sama o Harari manyawa O Ahiam O Sarar aingohaka o Harari manyawa O Elifelet o Ahasbai aingohaka o Maakha manyawa O Eliam o Ahitofel aingohaka o Gilo manyawa O Hezrai o Karmel manyawa O Paerai o Arbi manyawa O Yig(...)