Read Tobelo O SAMUEL MAHINOTOKA 8 Bible Online

O SAMUEL MAHINOTOKA 8 - Tobelo bible

O SAMUEL MAHINOTOKA 8

¹O öraha muruono naga ipaha ma Koano Daud waparangioli o Filistin manyawa. Unanga wahihangoka önanga deʼ waora toönanga manga tonaka.

²O Daudö wahihangoka o Moab manyawa. Wahuloko önanga ima rubaiha o tonakoka, daha wätoma o nyawa yahinoto o nyawa yaruange magetongo manga hidogoronaka. Hoʼ, o Moab manyawa yoihene o Daudika deʼ yofangu o soungu unangika.

³Gila-gila o Daud wihihanga ma koano Hadadezer o Rehob ai ngohaka wopareta o Zobaka, enagënanga moi o pareta o Damsyikika itigioka. Maöraha gënanga o Hadadezer magogiria o dodagi magoronaka womau wakilio ai kuaha mangale madaera itigioka o Efrat ma Ngairi mautuika.

⁴O Daud watagoko o tentara manyawa yaribuhu moi deʼ yaratuhu tumidi yokö kuda-kuda deʼ yaribuhu monaoko o tentara imadö dagi-dagi. Unanga wakoki luguoka mata-mata o kuda, sawaliua o hidoku moi, yaoaka mangale o kureta ihi poparangi o ratuhu moi.

⁵O Siria manyawa o Damsyikino yahi dingoto manga tentara mangale iwï riwo ma Koano Hadadezer. Mä o Daud wähihangoka önanga deʼ wätoma yamonaoko deʼ hinoto maribuhu onangino.

⁶Ipaha o Daud wohi goko o hurudadoka manga tau-tau toönanga manga daera magoronaka, deʼ önanga yoihene ikali yofangu o soungu unangika. Ma Jou wihi döaka o utumu o Daudika kiakaö ünanga woparangi.

⁷O dadatoko-o dadatoko o gurasi yapo pake-pake o Hadadezer aitentara o Daud waora deʼ wao o Yerusalemika.

⁸Mahomoa deʼ gënanga o Daudö wa l̄ë o tabaga duru koha ngöe o Betah de o Berotaino, hagala o kota mahira o Hadadezer wakökokuahaino.

⁹Ma Koano Tou o Hamatino woihene o Daud wahihangoka o Hadadezer aitentara yongodumu.

¹⁰Daha ünanga wihuloko ai ngohaka o Yoram mangale wohi ädono ai tabea ma Koano Daudika deʼ wotemo halamati mangale ai utumu gënanga, hababu o Hadadezer mamoi iböto ima teke parangi deʼ o Tou. O Yoram waika o Daudika deʼ woao o ngongike o gurasi koha ngöe, o haaka deʼ o tabaga.

¹¹Ma Kaono Daud wohi huba mata-mata o ngongike gënanga ma Jouika mangale yapake o puji madatoro magoronaka. Hoko genangö wadiai deʼ okia honanga o gurasi deʼ o haaka waora-oraka o Hadadezerino deʼ o hoana-o hoana wahohohihangoka, enagënanga o hoana o Edom, o Moab, o Amon, o Filistin deʼ o Amalek.

¹³ O Daud ai romanga idadi iholoi yanakoli maöraha ünanga woma idulu wätoma ibotino o Edom manyawa yaribuhu ngimoi deʼ tufange o Asin ma Waioka.

¹⁴Unanga wohi goko o hurudado manga tau-tau o Edom madaera ingodumu, deʼ hagala o Edom manyawa genanga yoihene unangika. Ma Jou wihi döaka o utumu o Daudika okiaka o ünanga woparangi.

¹⁵Hoko gënanga o Daud wäpareta o Israeloka yongodumu deʼ wogoana hupaya ai kawaha hoko genangika wahidiai de maadili deʼ yaoa-oa.

¹⁶Nenanga o pegawe-pegawe magogurutil̄e o Daud wagö gora-goraka: Yo poparangi manga kapita: o Yoab o ngo Zeruya ami ngohaka; Wotuli-tulihi o kadatoka: o Yosafat o Ahilud aingohaka; O Imam-imam: o Zadok o Ahitub aingohaka deʼ o Ahimelekh o Abyatar aingohaka; Wotö tuli-tulihi o negaraka: o Seraya.

¹⁸Ma Koano iwi goa-goana manga häeke: o Benaya o Yoyada aingohaka; O imam-imam o kadatoka: o Daud aingoha-ngohaka.