Read Tobelo O KOKOANO MADODIHIRAKA 22 Bible Online

O KOKOANO MADODIHIRAKA 22 - Tobelo bible

O KOKOANO MADODIHIRAKA 22

¹O taongo hinoto iholoi madekanino koiwa naga o parangi o Israel de o Siria manga hidogoronaka.

²Maʼ o taongo mahangeoka, o Yosafat o Yehuda manga koano wöiki wilega o Ahab o Israeloka manga koano.

³Kowahi de gënanga o Ahab wotemoka aitentara manga balu-baluhika, ”Ngini nihi öriki o Ramot ma kota o Giliadoka gënanga tongone madutu! Yadodoa, ngone haorauaoli ma koano Siriaoka?”

⁴Daha maöraha o Yosafat waika, o Ahab woleha, ”Kanö modeke ngona hoiki dede ngohi haparangi o Ramot?” O Yosafat wohaluhu, ”Kayaoa! Ngone hoiki homa kinïki. O tentara de o kudauku yobare-barene manga duduono aha ima kodogo deʼ tongona ani tentara deʼ o kudauku yobare-barene manga duduono.

⁵Ma’ kayaoa ngone holeha ihira ma Jouika.”

⁶Daha o Ahab watoomu o nabi doneho yaratuhu iata daha wä leha önanga, ”Yakunoka ngohi töiki taparangi o Ramot ekola kowali?” ”Yakunu!” önanga yohaluhu. ”Ma Jou aha wohilapahi o kota gënanga Jou Koanoika.”

⁷Maʼ o Yosafat wolehali, ”Boteka nenangoka koiwa o nabi ma homoa yakunu woleha ma Jouika mangale ngone?”

⁸O Ahab wohaluhu, ”Nagahi womatengo, o Mikha o Yimla aingohaka. Ma ngohi tidohata unangika, hababu komaiwahi unanga womaihi kianaga moi maoa-oa mangale ngohi; salalu kaitotorau.” ”Ah, uha notemo hokogenanga” wohaluhu o Yosafat.

⁹Done o Ahab wiahoko womatengo o pegawe o kadatoka daha wihuloko o unange itaiti waiki wingoho o Mikha.

¹⁰Oraha gënanga o Ahab de o Yosafat, de manga pakeanga de mapangka-pangkatoka, yogogeruku o popareta makuruhioka mangi o gandum yobido-bidoroka o Samaria mangorana ma maomo-amoko mahimangoka, oraha utu o nabi-nabi yoboa iwi himanga de ihi adono toonanga manga maiki.

¹¹Womatengo o nabi-nabiino genanga, airomanga o Zedikia o Kenaana aingohaka, wodasi o tataduku-tataduku o behi daha wotemo o Ahabika, ”Nenanga wotemo-temoka ma Jou,” de o tataduku-tataduku hokä hokonenanga Jou Koano aha naparangi o Siria dei wedere onenga”

¹²Mata-mata o nabi mahomoa ihi gounga de yotemo, Naparangi o Ramot, Jou Koano aha nohasili ma Jou aha wonihi doaka o utumu Jou Koanoika

¹³O oraha utu gënanga o huhuloko wingö ngoko-ngoko o Mikha, witemo o Mikhaika, ”Mata-mata o nabi mahomoa yomaihoka mangale makoano woutumu. Tanu Bapak ö nomaihi maoa-oha hokä onanga.”

¹⁴Mä o Mikha wohaluhu, ”De ma Jou wowango-wango ngohi duga-duga aha totemo okia wotemoka ma Jou ngohino!”

¹⁵O Mikha womahiadonihaka ma Koano Ahab ai himangoka, makoano wileha, ”Yakunu ngohi de ma Koano Yosafat mioki mia parangi o Ramot, ekola kowali?” ”Niaparangi” wohaluhu o Mikha. ”Haraioka Jou Koano aha nahasili. Ma Jou aha wonihidoaka o utumu Jou Koanoika.”

¹⁶O Ahab wohaluhu, ”Nako ngona notemo ngohino de ma Jou ai Romanga, notemo de madiai. Mamuru ono naga ngona kiani tonihi doaka o hihininga mangale o hali genanga?”

¹⁷ O Mikha wabalahi, ”Ngohi tamake o Israeloka manga tentara ima hikokorikokaua hagala o l̄okuoka. Onanga hokä o duba koiwa magagoaro, de ma Jou wotemo mangale önanga, Hagala o nyawa nenanga koiwa manga tutuda. Malaikala önanga yolio de manga halamati.”

¹⁸Daha o Ahab wotemo o Yosafatika, ”Idiai totemo, koigoungua? Komaiwahi unanga womaihi maoa-oa mangale ngohi! Salalu kaitatoroa dika!”

¹⁹ O Mikha wotemoli, ”oraha nenanga noihene okia wotemo temoka ma Jou! Ngohi timake ma Jou wogogeroku Ai pareta makuruhioka o horogaka, de mata-mata Ai malaikat ima okoino Ai detekoka.

²⁰Ma Jou woleha, ’Onagona aha iwibaja o Ahab hupaya unanga womodeke woiki woparangi de wohonenge o Ramotoka de o Gileadoka?ʼ yohaluhu malaikat-malaikat genanga ima kokohowano.

²¹Mabaha yoaguru mahimangiha moi o womaha. Genanga imahitigi ma Jouika de itemo, ’Ngohi aha tibaja unanga.’

²²’Yarakia madodagi?ʼ Ma Jou woleha. O womaha genanga ihaluhu, ’Ngohi aha toiki de tadiai mata-mata o Ahab ai nabi yoehe-eluku’ Ma Jou wotemo, ’Kalaoa nadiai genanga, ngona aha nohasili nibaja unanga.’ ”

²³Wohi gila-gila o Mikha wotemo, ”Ah, genanga idadi! Ma Jou wadiaioka Jou Koano ani nabi-nabi ini elu-eluku Jou Koanoika hababu Ma Jou wohi tantuoka mangale ini tapal̄u o huha Jou Koanoika!”

²⁴Done wotagi ai himangiha ma Nabi womahi tigi o Mikhaika daha wapoka ai bionoko de wotemo, ”Kiaka yakunu ma Jou ai Womaha ihi mal̄a ngohi de ini temo ngonaika?”

²⁵O Mikha wohaluhu, ”Dama namake mayonyata maoraha ngona nowohana moi o kamarika mangale momangiunu.”

²⁶”Niwi tagoko unanga!” wopareta ma Koano Ahab, ”de niwi ao unanga o Amonika ma wali kota, de ma Koano ai ngohakika o Yoas.

²⁷Niahuloko onanga iwihingohama unanga o bui magoronaika, de niwi hidoaka unanga wol̄omo de wokere ma huhutulu dika hiadono ngohi tomaidulu de mahalamadi.”

²⁸O Mikha wotemo, ”Nako Jou Koano nomaidulu de ani halamati, mamangarati ma Jou wotemoua itilakuru ngohi! Mata-mata niboa-boaino nenangokadau nidadi o hakihi.”

²⁹Ipaha o Ahab o Israel manga koano, de o Yosafat o Yehuda manga koano yoiki yaparangi o Ramot de o Gilead makota.

³⁰O Ahab witemo o Yosafatika, ”Ngohi aha tomahalere de taniki o parangi, mä Ngona kokiani nomahinoa ani pakeanga de ma pangka-pangkatoka.” Hokogenanga o Israeloka manga koano womahalere maoraha woiki woparangi.

³¹O oraha genanga yamoruange de yahinoto manga kapita o duduono o kereta ihi poparangi o Siria wahi paretaka manga koano mangale iwi parangi duga-duga o Israeloka manga koano.

³²Ho, maöraha önanga iwi make ma Koano Yosafat, onanga mata-mata yatobote ünanga Israeloka manga koano. Karana genanga onanga iwi parangi unanga. Ma o Yosafat wopoaka,

³³done onangö iwi nako unanga o Israelokaua manga koano. Daha önanga ima togumu iwi parangi ünanga,

³⁴Madodagi imadaenika womatengo o Siria manga pajuretoka wohi toimi ai toimi madodo, wohihomoaika. Mä otoimi madoto genanga iwi korona o Ahab de yatotara ai baju wohi papanang maguguriti madabika madongaoko, ”Ngohi ihi karonaka!” wopoaka a Ahab ai kereta woao-aoika. ”Naidulu de nao ngohi mohihihupu o parangino!”

³⁵Mä karana o parangi kai hiruoki, ma Koano Ahab kahiraki womaokoino ikali iwi tumungika ai kereta magoronaka wahimangika o tentara Siria. Ai awunu ihahuru ai naboino, ilepa-lepa o kereta modangiroko. O wange o bobimaoa ünanga wohonenge.

³⁶Yododagika o wange itumunu o Israeloka manga duduono yongodumu yapareta mangale yolio manga kotaika de manga daeraika moi-moi,

³⁷karana manga koano wohonengoka. Daha yolio onanga de ya jere ai maiyeti o Ahab o Samariaka.

³⁸Maöraha ai kereta yaberehi o Samaria ma lupungoka, o ngongo heka manga röehe yahuku hukunu ma gogiria ima ohiki genangoka de o kaho yaal̄eme ai awunu o kereta genanga, itiai hokä wotemo-temoka ma Jou.

³⁹Majarita mahomoa yakorona ma Koano Ahab, yakorona o kadato o gading de mata-mata o kota wohigö goko-goko, itulihoka o Israeloka manga Kokoano ma sejarah ma buku magoronaka.

⁴⁰O Ahab wohonenge ipahaino, aingohaka o Ahazia wodadi o koano witagali unanga.

⁴¹Mataongo maiatoka wopareta o Ahab Israeloka manga Koano, o Yosafat o Asa aingohaka wodadi o koano mangal̄e o Yehuda.

⁴²O öraha genanga ai umuru o taongo moruange de motoa. Unanga wopareta o Yerusalemoka o taongo monaoko de motoa madekana. Ngoiayo enagenanga ongo Azuba o Silhi ngoiora.

⁴³Hokä o Asa, ai ama, o Yosafat wadodiai okia maoa-oa ma Jou ai lolegaka. Unanga wahohihanga ai paretaka mata-mata manga röehe yahuku-hukunu o nau-nauru de ongongoheka yomomanarama o ngi-ngioka yahuba-huba o gomanga kaigogogerohi maöraha o Asa, ai ama oka deyaino. Mä hagala o ngi yahuba-huba genanga mahirete yawederua. O kawaha kai hihubahi dika o huhuba de o mangangi dokengoka. O Yosafat wodiai hagala o kapa o Tersisino mangale yol̄ë o gurasi o Ofirino, mä hagala o kapa genanga idadiua ihidete karana ibodito o Ezion-Geberoka. Makoano Ahazia o Israelino wataubutu hupaya ai kapa manyawa, mä o Yosafat woluku ngaroka unanga ai dodohanga yaoa dema koano Israel. Ipaha o Yosafat wohonenge de iwi lungunu o kokoano manga jereoka o Daud ai kotaka. O Yoram aingohaka wodadi o koano witagali unanga. Majarita mahomoa yakorona o Yosafat, yakorona ai nauru de hagala ai parangi itulihi o Yehuda manga Kokoano manga Sejarah mabuku magoronoka. O oraha genanga o Edom maberera koiwa manga koano. Wopareta dokengoka enagëna(...)

⁴⁴

⁴⁵

⁴⁶

⁴⁷

⁴⁸

⁴⁹

⁵⁰

⁵¹

⁵²Mataongo ngimoi de tumidi ma Koano Yosafat wopareta o Yehudaka, o Ahazia o Ahab aingohaka wodadi Israel manga koano daha wopareta o Israel madekana o taongo hinoto o Samariaka.

⁵³Unanga wobaradoha ma Jouika de waniki manga aguru ai Ama de ngoi ayo ikali ai aguru ma koano Yerobeam idadi hababu o Israel manyawa yodiai o baradoha.

⁵⁴Unanga wahuba o Baal de womahigilaongo enangika. De hokä ai ama, ihira de wopareta, unangö wamomiki ma Jou ai dohata, o Jou Madutu o Israeloka manyawa iwi ho huba-huba.