Read Tobelo O KOKOANO MAHINOTOKA 24 Bible Online

O KOKOANO MAHINOTOKA 24 - Tobelo bible

O KOKOANO MAHINOTOKA 24

¹ Maöraha ma Koano Yoyakim wopareta, o Nebukadnezar o Babil manga koano waparangi deʼ wahihangoka o Yehuda. O taongo hange madekana o Yoyakim wihi gihene ma Nebukadnezarika, mä ipaha ünanga womalawani.

²Ma Jou wahi dingoto o doomu madorou de manga daeoka o Babil ma nyawaino, o Siria, o Moab de o Amon mangale iwi lawani o Yoyakim de yabinaha o Yehuda, imamoteke de okia yotö temo-temoka itilakuru o nabi-nabi Ai gogilaongo.

³Igoungu o hali gënanga kiani idadi, karana ma Jou wotemoka o Yehuda manyawa aha wa umo o berera ma Jou wahidö döa-döaka onangika. Onanga wä umo karana hagala o baradoha wadodiai ma Koano Manasye;

⁴duru mal̄okuoka karana mata-mata o doma wadodiai hagala o nyawaika yahö howo-howonua. Ma Jou woluku wihi apongo o Manasye karana ai manarama-manarama gënanga.

⁵O daera ingodumu, o Efrat ma Ngairi de yaino hiädono mari batingi o Mesir o koremieuku idaduoka iwohama ma koano Mesir aipareta madaera, wakuaha o Babil manga koano. Karana gënanga o Mesir manga koano komaiwaka wohupuoli ai bereraino mangale wöiki woparangi. Majarita mahomoa yakorona ka ma Koano Yoyakim, itulihi o Yehuda manga Kokoano manga Jarita mabuku magoronaka. O Yoyakim wohonenge ipahaika, aingohaka o nauru ai romanga o Yoyakhin wodadi o koano witagali ünanga.

⁸O Yoyakin ai umuru o taongo ngimoi de tufange maöraha ünanga wodadi o Yehuda manga koano, de ünanga wopareta o Yerusalemoka o mede hange madekana. Ngoi ayo ami romanga o ngo Nehusta o Elnatan ngoi ora, o Yerusalemino.

⁹Hokä ai ama, o Yoyakhinö wobaradoha ma Jouika.

¹⁰O Yoyakhin aipareta maöraha magoronaka, o Babil manga duduono yatö tuda-tuda o Nebukadnezar aitentara manga balu-baluhu, yöiki yä parangi o Yerusalem, de ihi giloliti o kota gënanga.

¹¹Maöraha i hi giloliti o kota gënanga, o Nebukadnezar mahirete waika o Yerusalemika,

¹² daha ma Koano Yoyakhin ima kinïki ngoi ayo, ai ngoha-ngohaka, aitentara manga balu-baluhu ikali ai kadato ma pegawe-pegawe imahidöaka ma Nebukadnezarika. Daha o Yoyakhin iwi tagoko. O hali gënanga idadi o taongo matufangeoka o Nebukadnezar aipareta.

¹³Mata-mata o pakakaha o gurasi wadodiai ma Koano Salomo mangale ma Jou Ai Tau, wakilianga o Nebukadnezar. Daha mata-mata o arata de ma ija-ijaka naga ma Jou Ai Tauoka gënanga de o kadatoka wao o Babilika. Mata-mata gënanga idadi imamoteke de okia kowahiohi ma Jou wotö temo-temoka.

¹⁴ Ma Koano Yoyakhin, ngoi ayo, ai heka-hekata, ai pegawe-pegawe, de o Yehuda manga tutuda-tutuda — mata-mata yaribuhu tumidi yososawaro — yatagoko de yaao o Babilika. Yotö tuka-tukangö de yososawaro o behioka manga ngöe ya ribuhu moi, mata-mata o nyawa yo kua-kuata deʼ yobobarani mangale yoparangi. Hagala o nyawa o kokoano manga difauku, deʼ hagala o nyawa ihibö balu-baluhuö ya ao oli yatö tabuangika — mata-mata naga yaribuhu ngimoi. Ngadeke yongodumu o Yerusalem manyawa ya ao; yamal̄aika duga-duga o kawaha duru yomö mihikini.

¹⁷ Ipaha o Nebukadnezar wigoraka o Matanya, o Yoyakhin ai pepe, wodadi o Yehuda manga koano, de watagali ai romanga idadi o Zedekia.

¹⁸ O Zedekia ai umuru o taongo monaoko de moi maöraha ünanga wodadi o Yehuda manga koano. Unanga wopareta o Yerusalemoka o taongo ngimoi de moi madekana. Ngoi ayo ami romanga o ngo Hamutal, o Yeremia ngoi ora o Libna makotaino.

¹⁹Hokä ma Koano Yoyakim, ma Koano Zedekia ö wo baradoha ma Jouika.

²⁰ Ma Jou duru wängamo o Yerusalem de o Yehuda ma nyawaika hiädonu Unanga wa legaikaokauaoli önanga.