Read Tobelo O TAWARIKH MADODIHIRAKA 12 Bible Online

O TAWARIKH MADODIHIRAKA 12 - Tobelo bible

O TAWARIKH MADODIHIRAKA 12

¹Maöraha o Daud, ma Koano Sauloka de wohioara aidiri, ünanga womahiditoko o Ziklagika. Manga ngöe yopöparangi yososetia de yanönako-nako yoboa imahidogo de o Daud.

²Onanga o Benyamin aihoanino hokä o Saul. Onanga yosawaro yotoimi de yogatepel — yaoa de manga giama maniraka yaoa de manga giama mahigili.

³Toönanga manga tutuda ganga o Ahiezer deʼ o Yoas o Semaa aingoha-ngohaka o Gibeaino. Nenanga yopöpoparangi gënanga: O Yeziel deʼ o Pelet o Azmawet ai ngoha-ngohaka O Berakha deʼ o Yehu o Anatot manyawa o Yismaya o Gibeon manyawa, woparangi iwinö nako-nako wodadi womatengoani ”Yamuruange manga baluhu manga doomu matutuda yobobarani,” O Yeremia, o Yehaziel, o Yohanan deʼ o Yozabad o Gedera manyawa O Eluzai, o Yerimot, o Bealya, o Semarya deʼ o Sefaca o Harufi manyawa O Elkana, o Yisia, o Azareel, o Yoëzer deʼ o Yasobam o Korah aiahalino, O Yoela deʼ o Zebaja o Yeroham aingoha-ngohaka o Gedor manyawa.

⁸Maoraha o Daud naga o ngï de mapaga-pagaroka o tonaka makokakahaka, manga ngöe yopoparangi yanönako-nako de yososawaro o Gad aihoanino imahidogo dede ünanga. Onanga ganga yopoparangi duru yosawaro yapake o dadatoko de o kuama; önanga hapulo-pulono yoböbarani hokä o singa de manga bilipere önanga yotabaata hokä o mainjanga.

⁹Nenanga toönanga manga roma-romanga yatatoro imamoteke manga pangkati: o Ezer, o Obaja, o Eliab, o Mismana, o Yeremia, o Makhbanai.

¹⁴Utu hagala o Gad manyawaino gënanga ganga o tentara manga baluhu yokokurutil̄e yahibaluhu ya 1.000; utuoli ganga o tentara manga balu-baluhu yahibaluhu ya 100.

¹⁵Mamoi iböto idadi o mede mamoioka, maöraha o Yordan ma Ngairi magogiria yonguihi o tentara manga balu-baluhu gënanga yatobongo o ngairi gënanga de yaduhu o wai-waika manyawa yaoa o wange mahiwaroko idaduoka yaoa o ngairi gënanga o wange madumuniha idaduoka.

¹⁶O oraha moiuku o nyawa o doomu moi o Benyamin de o Yehuda manga hoanino yoiki o Daud aingï wogögogere dema paga-pagarokaika.

¹⁷O Daud wämake önanga de wato, ”Nako ngini niboa hokä o dodiawo nihïriwo ngohi, ika nimahidogo dede ngomi. Ngomi minitarima ngini de miahininga isosanangi. Mä nako ngini niadungutu nihibudi ngohi ahihaturuika, ngaroka ngohi todiaiua o dorou nginika, ma Jou Madutu iwihöhuba-huba tongone nanga ete de nanga tohora wohiöriki, de ünanga aha winihukumu ngini.”

¹⁸Moiani onangino, enagënanga o Amasai, maduruino wodadi o tutuda o doomu yahöheto-hetongo ”Yamoruange manga baluhu doomu matutuda yobobarani,” iwikuaha ma Jou Madutu Ai Womaha daha wotemo, ”Daud o Isai aingohaka! Ngomi minitiki ngona! Tanu ngona de önanga iniröriwo-riwo nihasili. Ma Jou naga wonihiboa!” Daha o Daud wätarima önanga de wägoraka önanga yodadi o tentara manga balu-baluhu aitentara yopoparangi manga hidogoronaka.

¹⁹Maöraha o Daud imakao o Filistin manyawa iwiparangi ma Koano Saul, o Manasye aihoanino manga tentara o hidoku moi imahidogo o Daud aiduduonika. De madiai o Daud wariwoua hagala o Filistin manyawa gënanga. O Filistin manga tutuda-tutuda iwihuloko ünanga wolio o Ziklagika karana önanga yohawana ünanga aha womahidogo ma Koano Saulika de wosetiaokaua onangika.

²⁰Nenanga manga roma-romanga yopoparangi o Manasye aihoanino imahidödogo-dogo o Daudika maöraha ünanga aidodagi magoronaka o Ziklagika: o Adnah, o Yozabad, o Yediael, o Mikhael, o Yozabad, o Elihu deʼ o Ziletai. Moi-moi yahibaluhu o pajuretoka ya 1.000.

²¹Onanga yoparangi yobobarani de iwiriwo o Daud yälawani o doomu madorou. O wange maduruino önanga yodadi o tentara manga balu-baluhu o Israeloka manga tentara yopo parangi magoronaka.

²²Ngadeke o wange higetongo naga o nyawa mahungi imahi dogo de o Daud, hiädono itedekanua ipahaika o Daud aiduduono idadi duru ilamoko.

²³Maöraha o Daud o Hebronoka manga ngöe yopoparangi imadoto-dotokoka imahidogo manga diri dede ünanga. Onanga iwiriwo ünanga hupaya ünanga wakunu wodadi o koano witagali o Saul, imamoteke de ma Jou Ai jaji. Onanga manga ngöe ganga hoka hokonënanga: O Yehuda aihoanino: ya 6.800, ingodumu de manga dadatoko de manga kuama. O Simeon aihoanino: ya 7.100 ima doto-dotokoka. O Lewi aihoanino: ya 4.600. O Yoyada o Harun aidifauku manga tutuda ainyawa: 3.700. O Zadok airoriadodoto, womatengo o goduru woparangi wobobarani: ya 22 — mata-mata manga tau manyawa manga baluhu. O Benyamin aihoanino (ma Koano Saul aihoanino): ya 3.000; yowöe o Benyamin aihoanino kahirahi yosetia o Saulika. O Efraim aihoanino: ya 20.800 duru yanö nako-nako moi-moi manga ahali magoronaka. O Manasye ai hoanino o Yordan ma Ngairi o wange madumuniha idaduoka: 18.000 yätumutu mangale iwitede o Daud wodadi o koano. O Isakhar aihoanino: o tutuda ya 200 imakinïki toönanga manga nyawa; o(...)

³⁸Mata-mata yopoparangi gënanga yoiki o Hebronika imahidiai magoronaka yoparangi de manga dungutu mangale iwigoraka o Daud wodadi o Israeloka yongodumu manga koano. De o Israeloka manyawa mahomoa o mata-mata yohiningamoi mangale yodiai o hali gënanga.

³⁹O wange hange madekana yopoparangi gënanga yogogere de o Daud genangoka ikali yorameanga de yajame o inomo de o ngokere yahidodiaiuku mangale önanga, mangale o Israel manyawa mahomoa.

⁴⁰O hoana-o hoana magogurutino o koremieil̄e enagënanga o Isakhar aihoanino, o Zebulon deʼ o Naftali, o nyawa yokoki boa de o keledai, o unta, o bagal, de o hapi ioma-omanga de magina o inomo: o gopuno, o ara mahohoko, o kismis, o anggur deʼ o zaitun maminya. Onangö yoao o hapi deʼ o duba mangale yatoaka de yaol̄omo. Mata-mata gënanga ihidumutu hokokia manga morene o Israeloka makawaha yongodumu.