Read Tobelo O TAWARIKH MADODIHIRAKA 20 Bible Online

O TAWARIKH MADODIHIRAKA 20 - Tobelo bible

O TAWARIKH MADODIHIRAKA 20

¹ Mulaenge ihiwara yaino, maöraha o kokoano manga biaha yoiki yoparangi, o Yoab wahidiai aitentara de yaora o Amon maberera. O öraha gënanga ma Koano Daud kahirahi o Yerusalemoka, de wonikua. O Yoab de aitentara ihigiloliti o Raba makota, daha yaparangi de yabinaha o kota gënanga.

²Iböto gënanga o Daud woboa de wal̄ë duru kohangöe okiahonanga yaora-ora o kotaino gënanga. Okia honanga mahidogoronaka gënanga naga o Amon manga koano aimakota. O makota gënanga madubuho doneho kilo moruange de iata de yobootekika moi o muhutika. O Daud wal̄ë o muhutika gënanga de wohipake aimakotaika mahirete.

³Ipaha o Daud waao o Raba makota manyawa gënanga de wapakisa önanga yomanarama de yapake o garagaji, o pasolo de o bahuku. O hali gënanga wadiaiö o Amon makota-kotaika mahomoa. Iböto gënanga o Daud de aitentara yongodumu yolio o Yerusalemika.

⁴O öraha muruono naga iböto gënanga idadioli o parangi yalawani o Filistin manyawa o Gezeroka. O parangi moioka magoronaka gënanga o Sibkhai o Husa manyawa wïtoma womatengo aipöpako-pako airomanga o Sipai. Done o Filistin manyawa ö yohihanga.

⁵ O parangi mahomoa magoronaka yalawani o Filistin manyawa, o Elhanan o Yair aingohaka witoma o Lahmi o Goliat aidodoto o Gat manyawa. O Lahmi aikuama maotini gënanga imatero mapako o pakeanga yododiai mapakakaha magota.

⁶O parangi mahomoaoli magoronaka o Gatoka naga womatengo aipöpako-pako toünanga aihagarara butanga, aigiama de ail̄ou yogetongo. Unanga o nyawa yohöhira-hiraika manga pöpako-pako manga difauku.

⁷Unanga wahohedu o Israeloka manyawa, de karana gënanga ünanga o Yonatan wïtoma, o Simea aingohaka o Daud airiaka.

⁸O nyawa yaruange watö toma-toma o Daud de aiduduono gënanga ganga o nyawa manga pöpako-pako o Gatoka mangadifauku.