Read Tobelo O TAWARIKH MADODIHIRAKA 27 Bible Online

O TAWARIKH MADODIHIRAKA 27 - Tobelo bible

O TAWARIKH MADODIHIRAKA 27

¹O Israel mapareta ihidailako yopopareta yatatoro mangale manga tau manyawa manga balu-baluhu, manga ahali ma tutuda-tutuda de o tentara manga balu-baluhu. O taongo ihigetongo o mede moino madekana naga o doomu moi yomanarama de madodagi imateke totagali watuda womatengo manga baluhu. Moi-moi o doomu manga ngöe ya 24.000. Nenanga manga romanga o doomu ihiböbalu-baluhu yomomanarama mangale o mede ihigetongo: O mede madodihiraka: o Yasobam o Zabdiel aingohaka (ünanga o Peres aiahali manyawa o Yehuda aihöana). O mede mahinotoka: O Dodai, o Ahohi aigutiuku. O Miklot ganga aiwakili. O mede mahangeoka: o Benaya ma Imam Yoyada aingohaka; ünanga yamoruange manga baluhu madoomu matutuda (aingohaka o Amizabad ganga aiwakili). O mede maiatoka: O Asael o Yoab aidodoto (aingohaka o Zebaja, ganga aidagali). O mede mamotoaka: o Samhut, o Yizrah aidifauku. O mede mabutangaka: o Ira o Ikes aingohaka, o Tekoa makotaino. O mede matumidoka: o Heles, o Efraim aidifauku o (...)

¹⁶Nenanga manga romanga mabuku ihibö balu-baluhu o Israel manyawa manga hoana magoronaka: [O hoana] — [Ihiböbalu-baluhu] O Ruben — o Eliezer o Zikhri aingohaka O Simeon — o Sefaca o Maakha aingohaka O Lewi — o Hasabya o Kemuel aingohaka o Zadok O Yehuda — o Elihu, womatengoani ma Koano Daud aidodoto O Isakhar — o Omri o Mikhael aingohaka O Zebelon — o Yismaya o Obaja ai ngohaka O Naftali — o Yerimot o Azriel aingohaka O Efraim — o Hosea o Azazya aingohaka O Manasye o Yordan ma Ngairi o wange madumuniha — o Yoel o Pedaya aingohaka O Manasye o Yordan ma Ngairi o wange ma hiwaroko — o Yido o Zakharia aingohaka O Benyamin — o Yaasiel o Abner aingohaka O Dan — o Azareel o Yeroham aingohaka

²³ Ma Koano Daud wodiaiua o sensus hagala o nyawa manga umuru o taongo monaoko deyakauku manga hidogoronaka, hababu ma Jou wojajioka o Israeloka manyawa kiani wadiai kaimatero mangöe o murumu o dihangoka.

²⁴ O Yoab o ngo Zeruya amingohaka womulaengoka wodiai o sensus, mä ünanga wäbötua, hababu ma Jou Madutu wähukumu o Israeloka manyawa, karana o sensus gënanga. Genanga hababu toönanga manga ngöe itulihua ma Koano Daud aibuku magoronaka.

²⁵Nenanga manga romanga mabuku yogö goa-goana: O gudang-gudang o kadatoka deʼ o Yerusalemoka: o Azmawet o Adiel aingohaka O gudang-gudang o Yerusalem maporetoka: o Yonatan o Uzia aingohaka O dumule yomomanarama: o Ezri o Kelub aingohaka O anggur madumule-dumule: o Simei o Rama makotaino O anggur yogögogono mangï-mangï: o Zabdi o Syifmi makotaino O zaitun mautu de o ara mautu (i l̄ol̄oku-l̄oku matimiuku o wange madumuniha idaduoka): o Baal-Hanan o Gederi makotaino O zaitun maminya magogogono mangï-mangï: o Yoas O aiwani o gigini o Saron matonaka ilua-luasoka: o Sitrai o Saron makotaino O aiwani o gigini o wai-waioka: o Safat o Adlai aingohaka O unta: o Obil o Ismael aidifauku O keledai: O Yehdeya o Meronot makotaino O duba de o kabingi: o Yazis o Hagri manyawa.

³²Ma Koano Daud aipepe airomanga o Yonatan, ganga womatengo wonasihati wosawaro de aihakolaka. Unanga de o Yehiel o Hakhmoni aingohaka yahilapahi yatagongo moi-moi mangale ma koano aingohaka o nau-nauru manga hakola.

³³O Ahitofel ganga winonasihati ma koano, de o Husai o Arki manyawa, ganga winönasihati de ma koano aihoabata itötigi-tigi.

³⁴O Ahitofel wohonengoka, ünanga witagali o Abyatar de o Yoyada o Benaya aingohaka. O pareta matentara yopoparangi manga kapita ganga o Yoab.