Read Tobelo O TAWARIKH MADODIHIRAKA 6 Bible Online

O TAWARIKH MADODIHIRAKA 6 - Tobelo bible

O TAWARIKH MADODIHIRAKA 6

¹O Lewi toünanga aingohaka o nauru yaruange: o Gerson, o Kehat deʼ o Merari.

²O Kehat toünanga aingohaka o nauru yaruata: o Amram, o Yizhar, o Hebron deʼ o Uziel.

³O Amram toünanga aingohaka o nauru yahinoto, enagënanga o Harun deʼ o Musa deʼ momatengo o ngohaka o ngoheka, enagënanga o ngo Miryam. O Harun toünanga aingohaka o nauru yaruata: o Nadab, o Abihu, o Eleazar deʼ o Itamar.

⁴O Eleazar aiahali mabuku imakokadadu ganga hokä hokonënanga: o Pinehas, o Abisua,

⁵o Buki, o Uzi,

⁶o Zerahya, o Merayot,

⁷o Amarya, o Ahitub,

⁸o Zadok, o Ahimaas,

⁹o Azarya, o Yohanan,

¹⁰o Azarya (ünanga woleleani ma Jou Ai Tauoka wohigögoko-goko ma Koano Salomo o Yerusalemoka),

¹¹o Amarya, o Ahitub,

¹²o Zadok, o Salum,

¹³o Hilkia, o Azarya,

¹⁴o Seraya, o Yozadak,

¹⁵o Yozadak nënanga iwihidotao imakinïki o Yehuda manyawa deʼ o Yerusalem manyawa mahomoa maöraha ma Jou wäumo önanga o berera mahomoaika deʼ madodohanga o Nebukadnezar.

¹⁶ O Lewi toünanga aingohaka o nauru yaruange, enagënanga o Gerson, o Kehat de o Merari.

¹⁷Toönanga moi-moi deʼ manga ngohaka, O Libni deʼ o Simei ganga o Gerson aingoha-ngohaka;

¹⁸o Amram, o Yizhar, o Hebron deʼ o Uziel ganga o Kehat aingoha-ngohaka.

¹⁹O Mahli deʼ o Musi ganga o Merari aingoha-ngohaka.

²⁰O Gerson aidifauku mabuku madatoro enagënanga: O Libni, o Yahat, o Zima,

²¹o Yoah, o Ido, o Zerah, o Yeatrai.

²²O Kehat aidifauku madatoro enagënanga: o Aminadab, o Korah, o Asir,

²³o Elkana, o Ebyasaf, o Asir,

²⁴o Tahat, o Uriel, o Uzia, o Saul.

²⁵O Elkana toünanga aingohaka o nauru yahinoto: o Asmasai deʼ o Amihot.

²⁶O Ahimot aidifauku madatoro enagënanga: o Elkana, o Zofai, o Nahat,

²⁷o Eliab, o Yeroham, o Elkana.

²⁸O Semuel toünanga aingohaka o nauru yahinoto: o Yoel mariaka, deʼ o Abia madodoto.

²⁹O Merari aidifauku madatoro enagënanga: o Mahli, o Libni, o Simei, o Uza,

³⁰O Simea, o Hagia, o Asaya.

³¹Maöraha o Jaji ma Peti yatururu o puji mangïika o Yerusalemoka, ma Koano Daud wäiriki o nyawa yogoana yatuda mangale o puji manyanyi ma Jou Ai Tauoka.

³²Onanga yomanarama deʼ madodagi imateke tötagali ma Jou ai Tau-tauoka maöraha ma Koano Salomo wohigokouahi ma Jou Ai Tau.

³³Hagala o nyawa yahidö döa-döaka o manarama manga ahali makabuku gënanga naga hokä hokonënanga: O Kehat aihoanino: o Heman o Yoel aingohaka. Unanga wätuda o doomu yonyanyi madodihiraka, Ai ahali mabuku madatoro dau deyail̄e hiädono o Yakubika enagënanga: o Heman, o Yoel, o Samuel,

³⁴o Elkana, o Yeroham, o Eliel, o Toah,

³⁵o Zuf, o Elkana, o Mahat, o Amasai,

³⁶o Elkana, o Yoel, o Azarya, o Zefanya,

³⁷o Tahat, o Asir, o Ebyasaf, o Korah,

³⁸o Yizhar, o Kehat, o Lewi, o Yakub.

³⁹O Asaf ganga yonyanyanyi manga doomu matutuda mahinotoka. Ai ahali mabuku madatoro daudeyail̄e hiädono o Lewi il̄e enagënanga: o Asaf, o Berekhya, o Simea,

⁴⁰o Mikhael, o Baaseya, o Malkia,

⁴¹o Etai, o Zerah, o Adaya,

⁴²o Etan, o Zima, o Simei

⁴³o Yahat, o Gerson, o Lewi.

⁴⁴O Etan ganga yonyö nyanyanyi manga doomu matutuda mahangeoka; ünanga o Merari aihoanino. Ai ahali mabuku madatoro dau deyail̄e hiädono o Lewil̄e enagënanga: o Etan, o Kisi, o Abdi, o Malukh,

⁴⁵o Hasabya, o Amazia, o Hilkia,

⁴⁶o Amzi, o Bani, o Semer,

⁴⁷o Mahli, o Musi, o Merari, o Lewi.

⁴⁸O manarama-o manarama mahomoa o puji matauoka ihilapahi toönanga manga dodiawoika o Lewi manyawaoli.

⁴⁹O Harun deʼ aidifauku manga manarama yatuhu-tuhuku o dupa, ihihuba o huhuba ituhu-tuhuku o huhuba mangïoka, yadiai hagala rupa o upacara o ngï Duru ma Debi-debini mangïoka deʼ ihihuba o huhuba o Israeloka manyawa manga baradoha ma apongo. Mata-mata gënanga önanga yadodiai imamoteke de ohidumutu-ohidumutu wohidödöa-döaka o Musa ma Jou Madutu Ai gilaongo.

⁵⁰Nenanga o Harun aidifauku madatoro: o Eleazar, o Pinehas, o Abisua,

⁵¹o Buki, o Uzi, o Zerahya,

⁵²o Merayot, o Amarya, o Ahitub,

⁵³o Zadok, o Ahimaas.

⁵⁴Nenanga wahidö döa-döaka o Kehat aihoanika o Harun aidifauku manga gogere mangï madaera. Onanga yatarima o hidoku madodihiraka o tonakino ihitätantuoka mangale o Lewi manyawa.

⁵⁵Toönanga manga tonaka yakiloliti o Hebron makota o Yehuda madaeraka, o momo matonaka irata-rata magilolitino.

⁵⁶Mä o dumule-o dumule deʼ o kapo-kapongo o kota gënanga magilolitino iwihidöaka o Kalebika o Yefune aingohaka.

⁵⁷O Harun aidifauku yamake o Hebron o kota imahidödito-ditoko, o Yatir, de o kapo-kapongo nenangohi kamamoi o momo matonaka irörata-rata; o kapongo Libna, o Estemoa, o Hilen, o Debir, o Asan, o Bet-Semes.

⁵⁸

⁵⁹

⁶⁰O Benyamin aihöana manga daeraoka önanga imamake o kapo-kapongo nenangoli kamamoi o momo matonaka irörata-rata: o Geba, o Alemet deʼ o Anatot. Mata-mata naga o kapongo ngimoi de hange mangale manga ngï yögogere toönanga manga taumanyawa.

⁶¹O Manasye aihöana manga kapongo ngimoi o Yordan ma Ngairi o wange madumuniha idaduoka yahidöaka o Kehat aihöana magoronaka manga tau manyawaika yamö make-makeuahi o tonaka de madodagi youndi.

⁶²O Gerson aiahali magoronaka manga tau manyawa imämake o kapongo ngimoi de hange o Isakhar, o Asyer, o Naftali deʼ o Manasye manga hoana madaeraoka o Basanoka o Yordan ma Ngairi o wange mahiwaroko idaduoka.

⁶³Itilakuru o undiö, o Merari aiahaluku magoronaka manga tau manyawa imämake o kapongo ngimoi de hinoto o Ruben, o Gad de o Zebulon manga hoana madaeraoka.

⁶⁴Hoko gënanga madodagi o Israeloka manyawa yahikodoku o Lewi aihoanika o kapo-kapongo kamamoi o tonaka irata-rata mamomo mangale toönanga manga ngï yogogere.

⁶⁵O kapongo-kapongo o Yehuda aihöana madaeraoka, o Simeon de o Benyamin yahöheto-hetongoka gënanga, yahikodokuö de madodagi o undi.

⁶⁶O Efraim aihöana madaeraoka, mahononga o Kehat aiahalino manga tau manyawa yatarima o kapongo-o kapongo hokä hokonënanga de matonaka irata-rata mamomo magilolitino:

⁶⁷o Sikhem, o kota imahidödito-ditoko de mal̄oku-l̄okuoka madaeraoka gënanga, o Gezer,

⁶⁸o Yokmeam, o Bet-Horon,

⁶⁹o Ayalon de o Gat-Rimon.

⁷⁰O Manasye aihöana madaeraoka o Yordan ma Ngairi o wange madumuniha idaduoka önanga yatarima o kapongo o Aner deʼ o Bileam de o momo matonaka irata-rata yakilolitino.

⁷¹O Gerson aiahaluku manga tau manyawa imämake o kapo-kapongo hokä hokonënanga de o momo matonaka irata-irata yakilolitino: O Manasye aihöana madaeraoka, o Yordan ma Ngairi o wange mahiwaroko idaduoka: o Golan o Basanoka deʼ o Asytarot.

⁷²O Isakhar aihöana madaeraoka: o Kedes, o Daberat,

⁷³o Ramot deʼ o Anem.

⁷⁴O Asyer aihöana madaeraoka: o Masal, o Abdon,

⁷⁵o Hukok deʼ o Rehob.

⁷⁶O Naftali aihöana madaeraoka: o Kedes o Galileaoka, o Hamon deʼ o Kiryataim.

⁷⁷O Merari aidifauku imämakeuahi o tonaka, imamake o kapo-kapongo hokä hokonënanga de mamomo matonaka irata-rata yakilolitino: O Zebulon aihöana madaeraoka: o Rimono deʼ o Tabor.

⁷⁸O Ruben aihöana madaeraoka, o Yordan ma Ngairi o wange mahiwaroka idaduoka o Yerikho madatekoka: o Bezer matonaka i rata-rata magogurutil̄e, o Yahas,

⁷⁹o Kedemot deʼ o Mefaat.

⁸⁰O Gad aihöana madaeraoka: o Ramot, o Gileadoka, o Mahanain,

⁸¹o Hesybon deʼ o Yaezer.