Read Tobelo O TAWARIKH MADODIHIRAKA 9 Bible Online

O TAWARIKH MADODIHIRAKA 9 - Tobelo bible

O TAWARIKH MADODIHIRAKA 9

¹Mata-mata o Israeloka manyawa itulihi imamoteke manga tau manyawa moi-moi. Mabuku gënanga itulihi o Israeloka manga Kokoano manga buku magoronaka. Hokä o hukumanga mangale toönanga manga baradoha, o Yehuda makawaha yaao o tabuangika.

² Toönanga manga hidogoronaka madodihiraka yolio toönanga manga tonaka madutuika makota-kotaka ganga o kawaha biaha, o imam-imam, o Lewi manyawa de yomömanarama ma Jou Ai Tauoka.

³Mahononga o Yehuda aihoanino, o Benyamin, o Efraim de o Manasye yolio de yogogere o Yerusalemoka.

⁴Naga o tau o ratuhu butanga de morihiwo o Yehuda aiahalino yogogere o Yerusalemoka, yodogoika o Yehuda aingoha-ngohaka manga romanga o Peres, o Syela deʼ o Zerah manga difauku. O Peres aidifauku o Utai wätuda. O Utai aidifauku madatoro daudeyail̄e enagënanga o Utai, o Amihud, o Omri, o Imri deʼ o Bani. O Syela aidifauku o Asya wätuda o Asaya. Unanga ganga manga tau manyawa manga baluhu. O Zerah aidifauku o Yeuel wätuda.

⁷O Benyamin aihöana manyawa yogögogere o Yerusalemoka naga o tau o oratuhu hiwo de moritoa de butanga. Toönanga manga tau-tau mabaluhu enagënanga: O Salu o Mesulam aingohaka, o Hodawya aidanongo, o Hasenua aitohora. O Yibnia o Yeroham aingohaka O Ela o Uzi aingohaka, o Mikhri ai danongo. O Mesulam o Sefaca aingohaka, o Rehuel aidanongo, o Yibnia aitohora.

¹⁰O imam-imam önanga nënanga yogogere o Yerusalemoka. O Yedaya, o Yoyarib deʼ o Yakhin O Azarya o Hilkia aingohaka, aiete de aitohora ganga o Mesulam, o Zadok, o Merayot de o Ahitub. (O Azarya ganga o pegawe manga baluhu ma Jou Ai Tauoka.) O Adaya o Yeroham aingohaka; aiete de aitohora ganga o Pasyhur deʼ o Milkia. O Masai o Adiel aingohaka; aiete de aitohora ganga o Yahzera, o Mesulam, o Mesilemit, o Imer.

¹³O imam-imam yodadi manga tau manyawa manga baluhu, mata-mata yaribuhu moi de yaratuhu tumidi de yamori butanga. Onanga yanönako-nako yomanarama hagala rupa o karajanga ma Jou ai Tauoka.

¹⁴O Lewi manyawa maduruino nënanga yogogere o Yerusalemoka: O Semaya o Hasub aingohaka; aiete de aitohora ganga o Azrikam deʼ o Hasabya o Merarino aiahali O Bakbakar, o Heres deʼ o Galal O Matanya o Mikha aingohaka; aiete de aitohora ganga o Zikhri de o Asaf O Obaja o Semaya aingohaka; aiete de aitohora ganga o Galal de o Yedutun O Berekhya o Asa aingohaka, o Elkana aidanongo, ünanga wogogere o netofa makota madaeraoka.

¹⁷Ma Jou Ai Tau yogögoa-goana yogogere o Yerusalemoka kamamoi toönanga manga tau manyawa ganga: o Akub, o Talmon, o Ahiman, deʼ o Salum yogögoa-goana manga baluhu.

¹⁸Hiädono o wange nënanga hagala o nyawa toönanga manga ahalino yahimanarama yogoana o Koana ma Ngorana duru ma Amo-amoko o wange mahiwaroko idaduoka. Mahira hagala o nyawa toönanga manga ahalino yahimanarama yogoana o ngorana-o ngorana ma ago-agomo mahimanga o Lewi manyawa manga tau-tauika.

¹⁹Yahimanarama yogoana o ngorana yowöwoha-wohama ma Jou Ai Tauika ganga o Salum imaki nïki hagala o nyawa imaka ahali moi dede ünanga, enagënanga o Korah aiahali. (O Salum ganga o Kore aingohaka o Ebyasaf aidanongo.) Mahira toönanga manga ete de manga tohoraö yadiai o manarama gënanga maöraha önanga yoleleani ma Jou Ai tau-tauoka.

²⁰O Pinehas o Eleazar aingohaka — tanu ma Jou wi hohongino unanga! — mamoi iböto wähibaluhu önanga.

²¹O Zakharia o Meselemya aingohakö ganga ma Jou Ai Tau ma ngorana maamo-amoko magogoana.

²²Mata-mata yaöiri-iriki mangale yogoana o ngorana-o ngorana maago-agomo naga yaratuhu hinoto de yangimoi de yahinoto. Onanga yahitulihi o bukuoka imamoteke o kapo-kapongo önanga manga ngï yogogogere. Toönanga manga ete de manga tohora ma Koano Daud de ma Nabi Samuel yahidöaka o pangkati-o pangkati gënanga.

²³Mulaenge gënanga önanga de toönanga manga difauku kahirahi yodadi ma Jou Ai Tau mangorana maamo-amoko magogoana.

²⁴Naga mangorana iata; moi o koremieuku, moi o koreharail̄e, moi o wange mahiwaroko de moi o wange madumuniha. O ngorana yogetongo gënanga yahigogere o Lewi manyawa womatengo wodadi yogoa-goana manga baluhu.

²⁵Toönanga manga riadodoto yogogogere o kapo-kapongika, yariwo önanga de madatoro imateke totagali — öraha magetongo o minggu moi madekana.

²⁶Mä yogoa-goana manga haeke yaruata gënanga yomanarama de madodagi yatötagaliua. Onanga yogoana mangale o kamari-o kamari ma Jou Ai Tauoka deʼ okia honanga yagögogono genangoka.

²⁷Onanga yogogere ma Jou Ai Tau madatekoka, hababu önanga kiani yogoana o tau gënanga de yahelenga mangorana maamo-amoko o ngorumino ihigetongo.

²⁸O rëgu moi o Lewi manyawa mahomoa yogoana o pakakaha-o pakakaha mangale o puji. Onangala yaeto-etongo maöraha ihihupu de maöraha ihigilio.

²⁹O regu moioli yogoana o puji mapakakaha-pakakaha de mangale o gopuno, o angguru, o zaitun maminya, o manyanyi, ikali o rampa-rampa.

³⁰Mä yogoana ihigöganu-ganu o rampa-rampa gënanga ganga o imam-imam.

³¹Yogögoa-goana yodiai o huhuba il̄öl̄ofo-l̄ofo ganga o Lewi manyawa womatengo airomanga o Matica, o Salum aingohaka mariaka o Korah aiahalino.

³²Hagala o nyawa o Kehat ai ahalino yogoana mangale yodiai o roti ihidödodiai mangale ma Jou o Sabat mawange ihigetongo.

³³O regu moi o Lewi manyawa mahomoa yomanarama yodadi yonyö nyanyanyi ma Jou Ai Tauoka. Toönanga manga tau manyawa mabalu-baluhu yogogere o tau maago-agomoka muruono naga ma Jou Ai Tauoka. Onanga yahidöakua o manarama mahomoa, karana önanga yomanarama o hutu de o wange.

³⁴Hagala o nyawa yaheto-hetongo dakena, ganga o Lewi aitau manyawa manga balu-baluhu imamoteke toönanga manga difauku mariri. Onanga ganga o tutuda-o tutuda yogogere o Yerusalemoka.

³⁵O Yeiel wohigoko o Gibeon makota, daha wogogere genangoka. Ngoi hekata amiromanga o ngo Maakha,

³⁶deʼ aingohaka o nauru, mariaka airomanga o Abdon; mahomoa manga romanga o Zur, o Kis, o Baal, o Ner, o Nadab,

³⁷o Gedor, o Ahyo, o Zakharia deʼ o Miklot,

³⁸o Simea aiama. Toönanga manga difauku yogogere o Yerusalemoka kamamoi manga tau manyawa mahomoa o ahali moi dede önanga.

³⁹Ma Koano Saul aiama airomanga o Kis deʼ aiete airomanga o Ner. O Saul toünanga aingohaka o nauru yaruata: o Yonatan, o Malkisua, o Abinadab, de o Esybaal.

⁴⁰O Yonatan toünanga aingohaka o nauru airomanga o Meribaal, o Mikha aiama.

⁴¹O Mikha toünanga aingohaka o nauru yaruata: o Piton, o Melekh, o Tahrea deʼ o Ahas.

⁴²O Ahas aingohaka airomanga o Yoada toünanga aingohaka o nauru yaruange: o Alemet, o Asmawet deʼ o Zimri. O Zimri aidifauku madatoro enagënanga o Moza,

⁴³o Bina, o Rafa, o Elasa deʼ o Azel.

⁴⁴O Azel toünanga aingohaka o nauru yabutanga: o Azrikam, o Bokhru, o Ismael, o Searya, o Obaja de o Hanan.