Read Tobelo O TAWARIKH MAHINOTOKA 11 Bible Online

O TAWARIKH MAHINOTOKA 11 - Tobelo bible

O TAWARIKH MAHINOTOKA 11

¹Maöraha ma Koano Rehabeam womahi ädono o Yerusalemoka, ünanga wätoomu o pajuretoka ya 180.000 duru maoa-oa o Yehuda de o Benyamin manga hoanino mangale yaparangi o Israeloka manyawa de wohigiliokali aikuaha mangale o Israeloka manga hoa-hoana o koremieuku idaduoka.

²Mä ma Jou wihuloko ma Nabi Semaya,

³wohiädono o behehongo nënanga o Rehabeamika de o nyawa mata-mataika o Yehuda de o Benyamin manga hoana magoronaka,

⁴”Uha niaparangi niaroriadodoto o Israeloka manyawa. Nilio! Okia idödadadioka ganga Ahi mau.” Daha önanga mata-mata yamoteke ma Jou Ai pareta de idadiokaua yoiki iwiparangi o Yerobeam.

⁵O Rehabeam wogogere o Yerusalemoka de wahuloko o nyawa ihigoko o bebeno-o bebeno o mehele mangale o kota-o kota o Yehuda de o Benyamin madaeraoka, enagënanga: O Betlehem makota, o Etam, o Tekoa,

⁶o Bet-Zur, o Sokho, o Adulam,

⁸o Gat, o Mares, o Zif,

⁹o Adoraim, o Lakhis, o Azeka,

¹⁰o Zora, o Ayalon de o Hebron.

¹¹Unanga wakuata o kota-o kota mabebeno o mehele gënanga de wahigogere o tentara manga duduono mabaluhu womatengo o kota yogetongo gënanga. Moi-moi o kota gënanga ihitotomo de wasadia o inomo, o zaitun maminya de o angguru,

¹²ikali o dadatoko de o kuama. De hoko gënanga o Yehuda de o Benyamin kahirahi ai kuaha magoronaka.

¹³O imam-imam de o Lewi manyawa o Israeloka manga daeraino mata-mata yoiki imahidogo de o Rehabeam.

¹⁴Hagala o Lewi manyawa gënanga yamal̄a manga momo matonaka malua-luasika de toönanga manga tonaka de imatururu o Yehudaika de o Yerusalem, hababu o Yerobeam de o kokoano iwitototagali yahigumal̄aua önanga yomanarama hokä ma Jou Ai imam.

¹⁵O Yerobeam wägoraka ai imam-imam mahirete mangale yoleleani o gomanga yohöhuba-huba mangïoka de mangale yahuba o gikiri-o gikiri ikali o hapi madulada wadödodiai mahirete.

¹⁶Hagala o nyawa o Israel manga hoanino mata-mata yagou-goungu yoigo iwihuba ma Jou, o Israeloka manga Jou Madutu, imatururu o Yerusalemika, yanïki hagala o Lewi manyawa gënanga hupaya yakunu ihihuba o huhuba ma Jouika, ma Jou Madutu iwihöhuba-huba toönanga manga ete de manga tohora.

¹⁷De hoko gënanga o Yehuda mapareta idadi iholoi ikuata. O taongo hange madekana önanga yorigao aipareta o Rehabeam o Salomo aingohaka o nauru gënanga, de wowango hokä maöraha manga pareta ma Koano Daud de ma Koano Salomo.

¹⁸O Rehabeam wokawingi de o ngo Mahalat; ami ama o ngo Mahalat enagënanga o Yerimot o Daud aingohaka o nauru, de ngoi ayo enagënanga o ngo Abihail o Eliab ngoi ora, o Isai ngoi danongo.

¹⁹Toönanga manga ngohaka o nauru yaruange: o Yeus, o Semarya de o Zaham.

²⁰Ipaha o Rehabeam wokawingi de o ngo Maakha o Absalom ngoi ora. Onanga yamake o ngohaka o nauru yaruata: O Abia, o Atai, o Ziza de o Selomit.

²¹O Rehabeam toünanga ngoi hekata yangimoi de yatufange de aihekata paliara yamori butanga, aingohaka o nauru yamonaoko de yatufange de aingohaka o ngoheka yamori butanga. Ngoi hekata mata-mata de aihekata paliara gënanga, duru womi hininga ganga o ngo Maakha.

²²Genanga hababu o Abia o ngo Maakha ami ngohaka iholoi wiigo ngaro de aingohaka mata-mata mahomoa, hiädono o Abiaö wiiriki mangale witagali ünanga wodadi o koano.

²³De aibarija o Rehabeam wahidöaka o manarama-o manarama aingoha-ngohaka o naurika de wahigogere önanga o kota-o kota de mabebeno o meheloka o Yehuda de o Benyamin madaera ingodumu. Unanga wahidöaka önanga o inomo duru kohangöe, de wasadiaö o hekata manga ngöe mangale önanga.