Read Tobelo O TAWARIKH MAHINOTOKA 27 Bible Online

O TAWARIKH MAHINOTOKA 27 - Tobelo bible

O TAWARIKH MAHINOTOKA 27

¹O Yotam wodadi o koano aiumuru o taongo monaoko de motoa, de ünanga wopareta o Yerusalemoka o taongo ngimoi de butanga madekana. Ngoi ayo enagënanga o ngo Yerusa o Zadok ngoiora.

²O Yotam wasanangi ma Jou Ai hininga, hokä ai ama o Uzia. Duga-duga ünanga wotuhukua o dupa ma Jou Ai Tauoka, hokä wadodiai aiama. Ngaro hokogënanga, o kawaha gila-gila dika yodiai o baradoha.

³O Yotam wohigoko o Ngorana ma Amo-amoko o Koremieuku ma Jou Ai Tauoka, de wakuata o Yerusalem mabebeno o mehele yahöheto-hetongo o Ofel madaeraoka.

⁴Unanga wohigoko o kota-kota o Yehuda de mal̄oku-l̄okuoka de o bebeno-o bebeno o mehele ikali o menara-menara o honga-honganoka.

⁵Unanga wiparangi de wihihanga o Amon manga koano kamamoi o tentara, daha wapakisa o Amon manyawa yofangu o soungu. O taongo ihigetongo o taongo hangeino madekana imakokinïkika önanga kiani yofangu o haaka o kilo o 3.400, o gandum o rupa hinoto, moi-moi o ton o 1.000.

⁶O Yotam idadi idogo wokuaha karana ünanga wosetia de wihingounu ma Jouika ai Jou Madutu.

⁷Idödadadi mahomoa o Yotam aipareta magoronaka, o parangi-parangi de aisiasati-siasati, mata-mata itulihoka o Israel de o Yehuda manga Kokoano manga Sejara mabuku magoronaka.

⁸O Yotam aiumuru o taongo monaoko de motoa, maöraha ünanga wodadi o koano, de ünanga wopareta o Yerusalemoka o taongo ngimoi de butanga.

⁹Unanga wohonenge de iwilungunu o Daud aikotaka, daha aingohaka o nauru o Ahas wo dadi o koano witagali ünanga.