Read Tobelo O EZRA 10 Bible Online

O EZRA 10 - Tobelo bible

O EZRA 10

¹Magogiriaka o Ezra woma niata de ikali woari deʼ womangaku ai baradoha ma Jou Ai Tau ma himangoka, duru kamanga ngöe o Israel manyawa yaino imatoomu, kayaoa o nauru o ngoheka deʼ o ngoha-ngohaka. Onanga iwihigilolitino de ikali yoari imakua-kuatil̄e!

²Deipahaika o Sekhanya o Yehiel aingohaka o Elam ai bol̄aruku, wïtemo o Ezraika, ”Ngomi mibaradohaka ma Jouika karana miä kawingoka o hoana de o berera mahomoa manga ngongoheka. Ngaroka hoko gënanga kanagaohi o Israeloka manga ngonganono.

³Niaino ngone hokoboto ma Jou Madutuika, ngone aha hä duhu o ngongoheka gënanga mata-mata, kamamoi de toönanga manga ngoha-ngohaka. Ngomi aha miamoteke hagala ani nasihati de ikali o nyawa mahomoa yahö horomati ma Jou Madutu Ai pareta manga nasihati. Ngomi aha mihingounu ma Jou Madutu Ai Tita.

⁴Ngona kokiani nahidaaere. Ngomi aha minibatumu miagou-goungu. Nahidaaere nahi totiaika hiädono ya mal̄a.”

⁵Done o Ezra womulaenge wätaaere. Unanga wähuloko o imam manga balu-baluhu, o Lewi manyawa deʼ o Israel manyawa ma homoa yokobotoönanga aha yadiai o Sekhanya ai gogahoko gënanga.

⁶Onanga yokoboto deiböto, o Ezra ma Jou Ai Tau mahimangoka de womäjobo deʼ wowohama o Yohanan o Elyasib aingohaka ai tau magoronaika de womahiduhutu woma idu genangokadau. Unanga woluku wol̄omo ekola wokere karana ai hininga ihuha wapikiri manga manarama o nyawa yototabuanga gënanga.

⁷Deipaha ihingahu moi o bobita o Yerusalem deʼ o Yehuda yamode-modekika o nyawa mata-mataika yolio-lioka o tabuangino, hupaya imatoomu o Yerusalemoka.

⁸O nagona yainoua o wange hange magoronaka, ingodumu manga arata aha yal̄e de yatumungu deʼ önanga yaetongokaua o gegetongo o kawaha oka. O bobita gënanga ya tanda tangan o kawaha manga tutuda.

⁹O wange hange ipahaika o wange mamonaoko o mede hiwoka, mata-mata o nau-nauru yogogogere o Yehuda deʼ o Benyamin manga daeraka yaino o Yerusalemino deʼ imatoomu ma Jou Ai Tau maloaka. O öraha gënanga o awana koharikimi. Mata-mata yohahara karana o alo deʼ karana iparalu o gamake gënanga.

¹⁰Deipaha o Ezra womaoko deʼ watemo-temo onangika. Unanga wato, ”Ngini nibaradohaka deʼ niodogo o Israel mahowono karana niä kawingi o berera maporetino mangongoheka.

¹¹Hababu gënanga, nimangaku niabaradoha ma Jouika, ma Jou Madutu tongone nanga ete de nanga tohora iwi huba-huba deʼ niadiai okianaga Ai hininga yasosanangi. Nia mal̄a o nyawa maporetino yogogogere tongone nanga bereraka, deʼ niaduhu nia heka-hekata o nyawa maporetino gënanga.”

¹²Hagala o nyawa gënanga yohaluhu yakua-kuatil̄e, ”Ngomi aha miamoteke ani nasihati.”

¹³Daha önanga yotemoli, ”Mä miboa-boaino nenangoka duru kamia ngöe deʼ o awana kahärikimi. Ngomi mima poaua mima okoino maporetoka hoko nënanga. De ikali nënanga o perekara kohabötua hadiai o wange moi hinoto magoronaka hababu duru kamia ngöe ngomioka yöngohama o baradoha nënanga magoronaka.

¹⁴Nia higumal̄a tongomi mia tutuda yogogere o Yerusalemoka deʼ ihidailako o hali gënanga. Daha moi-moi o nyawa tongomi mia kotaka, de manga hekatoka o nyawa maporetino kokiani yoboa maöraha ihitö tantuoka, kamamoi de o tutuda-tutuda deʼ manga kota moi-moi manga haki-hakimi. De hoko gënanga ma Jou Madutu aha Wonä ngamookaua karana o perekara gënanga.”

¹⁵Ka o nyawa moi o ma yamaoua itubuho yatatatoroka gënanga, sowaliua o Yonatan o Asael aingohaka deʼ o Yahzeya o Tikwa aingohaka, yahiriwo o Lewi manyawa yahinoto, enagënanga o Mesulam deʼ o Sabetai.

¹⁶O nyawa yototabuanga yolio gënanga kaihirahi yomau ihidagi yatatatoroka gënanga, hababu gënanga ma Imam Ezra wäiriki yamuruono naga o hoana mahae-haeke manga hidogoronaka, daha ihitulihi toönanga manga romanga. O wange moioka o mede mangimoi önanga yomulaenge yosidang layä tailako o perekara gënanga.

¹⁷O mede hange yaino önanga yohasili yaböto yatailako o nau-nauru mata-mata yokawi-kawingoka deo ngongoheka o berera maporetino.

¹⁸Nenanga yatuli-tulihoka hagala o nyawa de manga hekatoka o berera maporetino manyawa: O imam-imam yahitulihi de manga bol̄ara. O Yesua ai bol̄aruku de ai roriadodoto, o Yozadak aingoha-ngohaka: o Maaseya, o Eliezer, o Yarib deʼ o Gedalya.

¹⁹Onanga yojaji aha yäoluku toönanga manga hekata, de önanga ihihuba o duba manauru mangale toönanga manga hekata, de önanga ihihuba o duba manauru mangale toönanga manga baradoha ma apongo mahuhuba.

²⁰O Imer ai bol̄aruku: o Hanani deʼ o Zebaja.

²¹O Harim ai bol̄aruku: O Maaseya, o Elia, o Semaya, o Yehiel deʼ o Uzia.

²²O Pasyhur ai bol̄aruku: o Elyoenai, o Maaseya, o Ismael, o Netaneel, o Yozabad, deʼ o Elasa.

²³O Lewi manyawa: O Yozabad, o Simei, o Kelaya (iwihi ahoko o Kelita), o Petahya, o Yuda deʼ o Eliezer.

²⁴Yonyanyanyi: o Elyasib O ngorana yogoa-goana ma Jou Ai Tau mangorana ma ago-agomo: o Salum, o Telem, deʼ o Uri.

²⁵O Israel manyawa mahomoa: o Paros ai bol̄aruku: o Ramya, o Yesia, o Malkia, o Miyamin, o Eleazar, o Malkia deʼ o Benaya.

²⁶O Elam ai bol̄aruku: O Matanya, o Zakharia, o Yehiel, o Abdi, o Yeremot deʼ o Elia.

²⁷O Zatu ai bol̄aruku: o Elyoenai, o Elyasib, o Matanya, o Yeremot, o Zabad deʼ o Aziza.

²⁸O Bebai ai bol̄aruku: o Yohanan, o Hananya, o Zabai deʼ o Atlai.

²⁹O Bani ai bol̄aruku: o Mesulam, o Malukh, o Adaya, o Yasub, o Seal deʼ o Yeramot.

³⁰O Pahat-Moab ai bol̄aruku: o Adna, o Kelal, o Benaya, o Maaseya, o Matanya, o Bezaleel, o Binui deʼ o Manasye.

³¹O Harim ai bol̄aruku: o Eliezer, o Yisia, o Malkia, o Semaya, o Simeon, o Benyamin, o Malukh deʼ o Semarya.

³³O Hasum ai bol̄aruku: o Matnai, o Matata, o Zabad, o Elifelet, o Yeremai, o Manasye deʼ o Simei.

³⁴O Bani ai bol̄aruku: o Maadai, o Amram, o Uel, o Benaya, o Bedeya, o Keluhu, o Wanya, o Meremot, o Elyasib, o Matanya, o Matnai, deʼ o Yaasai.

³⁸O Binui ai bol̄aruku: O Simei, o Selemya, o Natan, o Adaya, o Makhnadbai, o Sasai, o Sarai, o Azareel, o Selemya, o Semarya, o Salum, o Amarya deʼ o Yusuf.

⁴³O Nebo ai bol̄aruku: o Yeiel, o Matica, o Zabad, o Zebina, o Yadai, o Yoel deʼ o Benaya.

⁴⁴O nyawa ge önanga mata-mata yakawingoka o ngongoheka o berera ma poretino manyawa. Done manga heka-hekata gënanga yäoluku deʼ yäduhu kamamoi de toonanga manga ngoha-ngohaka.