Read Tobelo O EZRA 8 Bible Online

O EZRA 8 - Tobelo bible

O EZRA 8

¹Nenanga yatuli-tulihuku manga bol̄ara mabalu-baluhu yototabuangoka o Babelika deʼ yolio kamamoi dede ngohi o Ezra, o Yerusalemika maöraha o Artahsasta wopareta hokä o koano:

²o Gerson, o Pinehas ai bol̄aruku o Daniel, o Itamar ai bol̄aruku o Hatus o Sekhanya aingohaka, o Daud ai bol̄aruku o Zakharia, o Paros ai bol̄aruku, kamamoi deyaratuhu motoa o nau-nauru ai bol̄aruku (naga ya tulihika yakorona toönanga manga ahali) o Elyoenai o Zerahya aingohaka, o Pahat-Moab ai bol̄aruku, kamamoi deyaratuhu hinoto o nau-nauru o Sekhanya o Yahaziel aingohaka, o Zatu ai bol̄aruku, ka ma moi deyä ratuhu hange o nau-nauru o Ebed o Yonatan aingohaka, o Adin ai bol̄aruku, kamamoi deyamoritoa o nau-nauru o Yesaya o Atalya aingohaka, o Elam ai bol̄aruku, kamamoi de yamori tumidi o nau-nauru o Zebaya o Mikhael aingohaka, o Sefaca ai bol̄aruku, kamamoi de yamori tufange o nau-nauru o Obaja o Yehiel aingohaka, o Yoab ai bol̄aruku kamamoi deyaratuhu hinoto deyangimoi deyä tufange o nau-nauru o Selomit o Yosifya aingohaka, o Bani ai bol̄aruku, kamamoi deyaratuhu moi de yamori butanga o nau-nauru. O Zakharia o Bebai aingoh(...)

¹⁵Ingodumu o doomu gënanga tatoomu o ngairi madatekoka ihahahuru o Ahawa makotaoko, daha ngomi mima tau dokengoka o wange hange madekana. Tätailako deiböto, inyata naga o imam yamuruono naga toönanga manga hidogoronaka, mä kaimatengö de moiua o Lewi ai hoanino.

¹⁶Daha ngohi tä ahoko yahiwo o tutuda-tutuda manga hidogoronaka, enagënanga: o Eliezer, o Ariel, o Semaya, o Elnatan, o Yarib, o Elnatan, o Natan, o Zakharia, o Mesulam deʼ yahinotoli o guru, enagënanga o Yoyarib deʼ o Elnatan.

¹⁷Deipaha tahuloko önanga imakamake de o Ido, o kawaha manga häeke o Kasifya mabereraka, de ahi gogahoko hupaya o Ido deʼ ai dodiawo yokokarajanga ma Jou Ai Tauoka, wahidingoto ngomino o nyawa la yoleleani ma Jou Ai Tauoka.

¹⁸Karana ma Jou Madutu Ai hininga maoa, önanga iwi hidingoto ngomino o Serebya, o Lewi manyawa wososawaro o Mahli ai bol̄aruku. Kamamoi dede ünanga yoboaö ai ngoha-ngohaka deʼ ai roriadodoto, manga ngöe yangimoi de yatufange.

¹⁹O Hasabya deʼ o Yesaya o Merari ai bol̄aruku, deyamonaoko toönanga manga roriadodoto, yahidingotoli ngomino.

²⁰Mahomoa de gënanga nagali yaratuhu hinoto deyamonaoko yokokarajanga ma Jou Ai Tau yatuli-tulihoka manga romanga. Toonanga manga ete de manga tohora kahuruoninohi ma Koano Daud deʼ o gikiri yolago-agomo o poparetaka yahitatapu la yäriwo o Lewi manyawa.

²¹Daha o Ahawa ma Ngairi madatekoka ngohi tohingahu mata-mata kokiani yopuaha deʼ ihi tipokouku manga diri ma Jou Madutu Ai himangoka. Ngomi mimä niata hupaya ma Jou Madutu womï tuda ngomi o dodagi magoronaka gënanga, ikali Womï goana ngomi.

²²Ngohi tododato togahoko o tentara o kudauku yobare-barene makoanoika imigoana ngomi mangale o haturu mia dodagi magoronaka. Hababu ngohi tahetongoka unangika, tongomi mia Jou Madutu wahibarakati moi-moi o nyawa yopuji-puji Unangika deʼ wädohata ikali wähukumu moi-moi o nyawa yosetiaua Unangika.

²³Done ngomi mipuaha ikali mima niata ma Jou Madutuika mi gahoko o gogoana deʼ Unango wo himoteke tongomi mia niniata.

²⁴O imam-imam yahö heto-hetongo manga hidogoronaka ngohi täiriki yangimoi deyahinoto; o Serebya, o Hasabya deʼ yangimoioli.

²⁵De ipaha taduga önanga o haaka, o gurasi deʼ o pakakaha-pakakaha wohibatu-batumoka makoano, yononasihati de ikali o gikiri yolago-agomo deʼ o Israel manyawa, la yapake ma Jou Ai Tau magoronaka. Mata-mata gënanga tohidöaka o imam-imamika gënanga.

²⁶Nenanga ihituli-tulihuku o bobatumu-bobatumu gënanga: o haaka — — o ton 22 o ratuhu moi o pakakaha haaka — — o kilo 70 o gurasi monaoko o mangko o — — o kilo 3.400 gurasi hinoto o mangko o tabaga duru marorahai, maija imatero de o mangko o gurasi. — — o kilo 8,4

²⁸Ngohi tatemo o imam-imamika gënanga, ”Ngini inï tingakoka mangale ma Jou, ma Jou Madutu iwihö huba-huba nanga ete de nanga tohora, hokogenangoli hagala o pakakaha o haaka deʼ o gurasi ihibatu-batumu ma Jouika ganga yatingakoka mangale ma Jou.

²⁹Niö goana o bara-baranga gënanga nihi dodiai hiädono ngini nima hiädono ma Jou Ai Tauoka. Nima hiadonika dokengoka, ngini kokiani niatuga o bara-baranga gënanga, deʼ nihidöaka o imam-imam ihi balu-baluhu deʼ o Lewi manyawa manga tutuda-tutuda, de ikali o Israel manyawa manga tutuda-tutuda o Yerusalem mabereraka.”

³⁰Daha o imam-imam deʼ hagala o Lewi manyawa gënanga yatarima o haaka, o gurasi de o pakakaha-pakakaha gënanga la yao ma Jou Ai Tauika o Yerusalem mahereraka.

³¹O wange ngimoi de hinotoka o mede madodihiraka ngomi mia mal̄a o Ahawa ma Ngairi deʼ mimäjobo o Yerusalemika. Miadodagi magoronaka gënanga mia haturu imï gogoana deʼ imï tätatoko ngomi mä tongomi mia Jou Madutu Womigoana ngomi.

³²Mimahiadonika o Yerusalem mabereraka ngomi mima hibatongo o wange hange madekana.

³³Deipaha o wange maiatoka ngomi mioiki ma Jou Ai Tauika, daha miatuga o haaka, o gurasi deʼ o pakakaha-pakakaha gënanga. Genanga deiböto ngomi mihidöaka ma Imam Meremotika o Uria ai ngohaka de yahakihi o Eleazar o Pinehas aingohaka deʼ o Lewi manyawa yahinoto, enagënanga o Yozabad o Yesua aingohaka, deʼ o Noaja o Binui aingohaka.

³⁴Mata-mata o bara-baranga gënanga yaetongo deʼ yatuga daha ihitulihi kamoiö dekoikurangua.

³⁵O wange genangö mata-mata o nyawa yolio-lioka o tabuangino gënanga, ihihuba o huhuba yatö tuhu-tuhuku o Israeloka manga Jou Madutuika. Onanga ihi huba o hapi manauru o dutu ngimoi de hinoto mangale o Israeloka yongodumu, o duba manauru o dutu morihiwo de butanga deʼ o duba mangohaka o dutu moritumidi de tumidi; mahomoa de gënanga o kabingi o dutu ngimoi de hinoto mangale o huhuba o baradoha ma apongo mangale önanga mahirete. Mata-mata o aiwani gënanga yatuhuku hokao huhuba mangale ma Jou.

³⁶De o hura-hurata ipoparalu makoano wohidoa-doaka onangika, ihiadono hagala o gubernurika deʼ o propinsi o Efrat o wange madumuniha mapegawe. Done o pegawe-pegawe gënanga ihidöaka o bobatumu o kawahaika hupaya önanga yakunu kahirahi yopuji ma Jou Ai Tauoka.