Read Tobelo O NEHEMIA 11 Bible Online

O NEHEMIA 11 - Tobelo bible

O NEHEMIA 11

¹O tutuda-tutuda yogogere o Yerusalemoka de o kawaha yodiai o undi mangale o tau manyawa ngimoi magetongo yairiki o tau manyawa imatengo kiani yogogere o Yerusalem makota madebi-debinoka. Yairi-irikua yakunu yogogere o kota-kota mahomoaka.

²Onanga manga hidogoronaka naga yoigo yogogere o Yerusalemoka de önanga yahigiriri o kawaha.

³ O kota-kota mahomoaoka, o Israeloka makawaha, o imam-imam, o Lewi manyawa, ma Jou Ai Tau yododiai, de o Salomo iwilö leleani manga difauku önanga yogogere toönanga manga tonaka madutuoka de toönanga manga kotaka mahirete.

⁴Yamuruono naga o Yehuda de o Benyamin manga hoanino yogogere o Yerusalemoka. Nenanga toönanga manga roma-romanga mabuku: O Yehuda ai hoana manyawa O Ataya o Uzia aingohaka de o Zakharia ai danongo. Yamuruono naga ai ete de ai tohora manga hidogoronaka enagënanga: o Amarya, o Sefaca de o Mahalaleel, o Peres, o Yehuda. Manga ngöe ya 468 yoputurungu de yobobarani. O Maaseya o Barukh aingohaka de o Kolhoze ai danongo. Yamuruono naga ai ete de ai tohora mahidogoronaka enagënanga: o Hazaya, o Adaya, o Yoyarib, o Zakharia, o Syela, o Yehuda.

⁷O Benyamin ai hoana manyawa O Salu o Mesulam aingohaka de o Yoed ai danongo. Yamuruono naga ai ete de ai tohora manga hidogoronaka enagënanga: o Pedaya, o Kolaya, o Maaseya, o Itiel deʼ o Yesaya. O Gabai de o Salai. Onanga o riadodoto itö tigi-tigi de o Salu. Mata-mata manga ngöe 928 watuda

⁹o Yoel o Zikhri aingohaka de ai wakili, o Yehuda o Hasenua aingohaka.

¹⁰O imam-imam O Yedaya o Yoyarib aingohaka de o Yakhin. O Seraya o Hilkia aingohaka de o Mesulam ai danongo. Yamuruono naga ai ete de ai tohora manga hidogoronaka enagënanga: o Zadok, o Merayot, o Ahitub wasö o Imam wo Lamo-amoko ai manarama.

¹²Mata-mata naga o imam 822 yomanarama ma Jou Ai Tauoka. O Adaya o Yeroham aingohaka de o Pelalya ai danongo. Yamuruono naga ai ete de ai tohora manga hidogoronaoka enagënanga: o Amzi, o Zakharia, o Pasyhur deʼ o Malkia.

¹³O tau manyawa manga balu-baluhu o ahali gënanga magoronaka manga ngöe 242. O Amasai o Asareel aingohaka o Ahzai ai danongo. Ai ete de ai tohora mahomoa manga hidogoronaka enagënanga: o Mesilemot deʼ o Imer.

¹⁴O ahalino nënanga naga 128 yobobarani deʼ yokö kua-kuata. Toönanga manga tutuda ganga o Zabdiel, o Gedolim aingohaka.

¹⁵O Lewi manyawa: O Semaya o Hasub aingohaka de o Azrikam ai danongo. Ai ete de ai tohora mahomoa mahidogoronaka enagënanga o Hasabya de o Buni. O Sabetai de o Yozabad, hagala o Lewi manyawa duru yobobaraguna yogoana o manarama ma Jou Ai Tau maporetoka. O Matanya o Mikha aingohaka de o Sabdi ai danongo, o Asaf aidifauku. Unanga yonyö nyanyanyi manga tutuda mangale o sukur maniata. O Bakbukya o Matanya ai wakili. O Abda o Samua ai ngohaka de o Galal ai danongo, o Yedutun ai difauku. Mata-mata manga ngöe 284.

¹⁹O ngorana ma amo-amoko magogoana: O Akub, o Talmon de manga dodiawo. Mata-mata manga ngöe 172.

²⁰O Israeloka makawaha, o imam-imam de o Lewi manyawa maboloi, yogogere toönanga manga tonakoka o kota yogetongo o Yehudaka.

²¹Yomomanarama ma Jou Ai Tauoka yogogere o Yerusalem makotaika idaduoka maromanga o Ofel. Onanga yomanarama o Ziha de o Gispa manga tutuda matimioka.

²²Hagala o Lewi manyawa yogogogere o Yerusalemoka manga gogoana enagënanga o Uzi o Bani aingohaka de o Hasabya ai danongo. Ai ete de ai tohora mahomoa mahidogoronaka enagënanga o Matanya deʼ o Mikha. Unanga iwohama o Asaf ai Ahali, womanarama wohidodailako o puji mamusik ma Jou Ai Tauoka.

²³Manga hidoku o ahali yogetongo mangale ihidailako o musik ma Jou Ai Tauoka o wange mahigetongo imamoteke makoano ai datoro wohitatantuoka.

²⁴O Petahya o Mesezabeel aingohaka o Zera ai ahalino de o Yehuda ai hoana, wodadi o Israeloka manga wakili o Persia makadatoka.

²⁵O kawaha manga hidogoronaka manga ngöe yogogere o kota-kotaoka imakadatekuku deʼ toönanga manga dumule-dumule. Yamuruono naga o Yehuda ai hoanino yogogere o Bersyeba o koreharail̄e de o Hinom ma Wai o koremieuku mahidogorona. Onanga yogogere o kota-kotaoka nënanga de makapo-kapongo magilolitino: O Kiryat-Arba, o Dibon, o Yekabzeel, o Yesua, o Molada, o Bet-Pelet o Hazar-Sual, o Bersyeba o Ziklag, o Mekhona o En-Rimon, o Zora, o Yarmut, o Zanoah, o Adulam, o Azeka, o Lakhis.

³¹Yamuruono naga o Benyamin ai hoanino yogogere o Gebaoka, o Mikhmas, o Ai, o Betel de o kapo-kapongo madatekino.

³²O Anatot oka, o Nob, o Ananya,

³³o Hazor, o Rama, o Gitaim,

³⁴o Hadid, o Zeboim, o Nebalat,

³⁵o Lod, o Ono deʼ o Tuka-tukanga manga Wai.

³⁶O Lewi manyawa yamuruono naga manga doomu yogogeruahi o Yehuda madaeraoka yahuloko yogogere de hagala o Benyamin manyawa.