Read Tobelo O NEHEMIA 3 Bible Online

O NEHEMIA 3 - Tobelo bible

O NEHEMIA 3

¹Nenanga mahingahu mangale sarakia o Yerusalem makota mabebeno o mehele yatiai. Ma Imam wo Lamo-amoko o Elyasib de ai dodiawo ihigoko okaoli o Duba ma Ngorana ma Amo-amoko, ihipake mangorana mabebeno deʼ ihi tingakoka mangale ma Jou. Onanga ihitiai de ihitingakoka mabebeno o mehele hiädono o ratuhu moi ma Menaraika de hiädono o Hananeel ma Menaraika.

²Mahomoa de o imam-imam gënanga, hagala o nyawa nënanga yatotiai o kota mabebeno o mehele imakinïki mangora-ngorana ma ago-agomo de mamenara-menara madatoro magoronaka hokä hoko nënanga: Hagala o Yerikho manyawa. O Zakur o Imri aingohaka O Senaa ai ahali: o Nawoko ma Ngorana ma amo-amoko de o balak-balaki, o ngorana ma bebeno-bebeno, o bout-bout de madudukuru-dudukuru. O Meremot o Uria aingohaka de o Hakos ai danongo. O Mesulam o Berekhia aingohaka de o Mesezabeel ai danongo. O Zadok o Baana aingohaka O Tekoa makota manyawa (o kota gënanga ma balu-baluhu yoluku yadiai o manarama itotubuho). O Yoyada o Paseah aingohaka de o Mesulam o Besoja aingohaka o Yesyana ma Ngorana ma Amo-amoko de mabala-balaki, o ngorana mabebeno-bebeno, mabot-bot de madudukuru-dudukuru. O Melaca o Gibeonino de o Yadon o Meronotino. Hagala o Gibeon manyawa de o Mizpa manyawa: mabebeno o mehele hiädono o Efrat o Wange ma Dumuniha magubernur ai kadatoika. O (...)

¹⁷O bebeno o mehele o hidoku muruono naga ituruino ihigoko hagala o Lewi manyawa madatoro nënanga magoronaka: O Rehum o Bani aingohaka O Hasabya, wakokuaha o Kehila madaera mahononga. O bebeno o mehele madaera mangale ai daera mahirete. O Binui o Henadad aingohaka, wakokuaha o Kehila madistrik mahononga. O Ezer o Yesua aingohaka, wakokuaha o Mizpa: o bebeno o mehele o ngekomo madupukoroka o dae matau mahimangoka. O Barukh o Zabai aingohaka: o bebeno o mehele o ngekomo madupukoroka deyaino hiädono ma Imam wo Lamo-amoko o Elyasib ai tau mangoranika. O Meremot o Uria aingohaka de o Hakos ai danongo: o bebeno o mehele madaera deyaino o Elyasib ai tau mangorana hiädono o tau gënanga mabahaika.

²²O bebeno o mehele o hidoku muruono naga ituruino ihidiaioli o imam-imam madatoro nënanga magoronaka: O imam-imam yogogere ikurutikaua de o Yerusalem. O Benyamin de o Hasub: o bebeno o mehele toönanga manga tau mahimangoka. O Azarya o Maaseya aingohaka o Ananya aingohaka: o bebeno o mehele ai tau madatekoka. O Binui o Henadad aingohaka: o bebeno o mehele o Azariah ai tauoka deyaino hiädono o bebeno o mehele malibukuika. O Palal o Uzai aingohaka: o bebeno o mehele malibukuoka de o kadato mamenara il̄ö l̄oku-l̄oku, o loa yogoa-goana madatekoka. O Pedaya o Paros aingohaka: o bebeno o mehele hiädono o Akere ma Ngorana ma amo-amoko o wange mahiwaroka de ma Jou Ai Tau yogoa-goana mamenara. (Genangoka de ikurutikaua naga o daera ma romanga o Ofel, manga gogere mangï yomomanarama ma Jou Ai Tau.)

²⁷O bebeno o mehele o hidoku muruono naga ituruino yadiaioli hagala o nyawa nënanga madatoro magoronaka hokä hoko nënanga: O Tekoa makota manyawa: o bebeno o mehele ma Jou Ai Tau yogoa-goana mamenara mahimangoka deyaino hiädono o bebeno o mehele o Ofel madaera. O imam-imam yogogere o Kuda ma Ngorana ma Amo-amoko madatekoka: O bebeno o mehele imateke rihimanga de o tau moi-moi o ngorana ma amo-amokino gënanga gila-gila mameta o koremieuku. O Zadok o Imer aingohaka: o bebeno o mehele imarihimangino de ai tau. O Semaya o Sekhanya aingohaka, o wange mahiwaroko mangorana ma amo-amoko magogoana: o bebeno o mehele imarihimangino de ai tau. O Hananya o Selemya aingohaka de o Hanun o Zalaf aingohaka mabutangaka. O Mesulam o Berekhya aingohaka: o bebeno o mehele imateke rihimanga de ai tau. O Malkia, womatengo wododiai o gurasi: o bebeno o mehele hiädono ma Jou Ai Tau yomomanarama manga asramaika deʼ ima huku-hukunu manga tau-tau o Mifkad ma Ngorana ma Amo-amoko mahimangoka(...)