Read Tobelo O NEHEMIA 8 Bible Online

O NEHEMIA 8 - Tobelo bible

O NEHEMIA 8

¹O mede matumidoka o Israeloka manyawa yoridoka manga kotaka moi-moi. O wange mamoioka mede gënanga önanga mata-mata ima toomu o Yerusalemoka, o loaka o Akere ma Ngorana ma amo-amoko mangorana mahimangoka. Onanga yogahoko hupaya o Tita ma Buku wal̄e ma Imam Ezra womatengo duru wanako-nako o Tita magoronaka wohidö döa-döaka ma Jou o Israelika itilakuru o Musa.

²Daha o Ezra wao o buku gënanga mata-mata manga himangika ima oko-oko inoka o nau-nauru, o ngoheka de o ngoha-ngohaka yaoaka yobaluhu mangale imangarati.

³Ipaha, o ngorumino hiädono o wange ikorona, o Ezra wadabasa o Tita gënanga onangika. Onanga mata-mata ihigihene de manga gogihene itototomo.

⁴O Ezra woma okoino o mimbar o gota mal̄okuoka yadodiaioka mangale o doomu maparalu gënanga. Ai nirakoka imaokoino hagala o nyawa nënanga: o Matica, o Sema, o Anaya, o Uria, o Hilkia deʼ o Maaseya; ho de ai higiloka ima oko-okoino: o Pedaya, o Misael, o Malkia, o Hasum, o Hasbadana, o Zakharia deʼ o Mesulam.

⁵O panggung o Ezra woma oko-okoino mangï gënanga iholoi ikurutile de hagala o nyawa gënanga, hiädono önanga mata-mata yakunu iwimake. De majapatioka ünanga wahelenga o buku gënanga, önanga mata-mata imaoko.

⁶O Ezra wotemo, ”Niwi higiriri ma Jou, o Jou Madutu Wolö amo-amoko!” O kawaha mata-mata yagoraka manga giama yakokurutil̄e deʼ yohaluhu, ”Amin, amin!” Daha önanga imahi tudukuku iwihuba ma Jou Madutu.

⁷Iboto gënanga önanga yomomiki deʼ imaoko manga ngïoka moi-moi, maöraha o Lewi manyawa o doomu moi ihitararono o Tita gënanga onangika. Hagala o Lewi manyawa gënanga enagënanga: o Yesua, o Bani, o Serebya, o Yamin, o Akub, o Sabetai, o Hodia, o Maaseya, o Kelita, o Azarya, o Yozabad, o Hanan deʼ o Pelaya.

⁸Onanga yauti ma Jou Madutu Ai Tita gënanga mahidoku moioka de o hidoku moika ikali ihitararono hiädono o kawaha yakunu imangarati yabasa-basa gënanga.

⁹Yoihene o Tita yabasa gënanga, o kawaha idadi duru manga hininga iduka, daha yoari. Daha magubernur Nehemia de ma Imam Ezra wanö nako-nako o Tita gënanga, ikali hagala o Lewi manyawa ihito tararono o Tita gënanga, yatemo o kawahaika yongodumu hoko nënanga, ”O wange nënanga o wange ihitö tinga-tingakoka ma Jouika nia Jou Madutu, hoʼ uha nia hininga ihuha ekola niari.

¹⁰O öraha nënanga nilio; ni ol̄omo de niokere deʼ nimore-morene. Nia hidöaka o regu moi nia inomo de nia angguru önanga yokura-kurangika. O wange nënanga o wange hohitö tinga-tingakoka mangale tongone nanga Jou, hoʼ uha nihuha. O morene ma Jou Winihi doa-doaka nginika aha Winihi kuata ngini.”

¹¹Hagala o Lewi manyawa o yarïdi o kawaha deʼ yatemo yogogilio, ”Uha nia hininga ihuha mawange hohitö tinga-tingakoka nënanga.”

¹²Daha yolio o kawaha yongodumu mangale yol̄omo de yokere ikali yahikodoku o inomo hagala o nyawa mahomoaika. Onanga yomorene karana imangaratioka mamangarati o bobasa önanga yoihe-ihene gënanga.

¹³Iyarehino imatoomu mata-mata o ahali mabalu-baluhu, o imam-imam de o Lewi manyawa, daha yoiki o Ezraika mangale imadotoko ma Jou Ai Tita madodotoko-dodotoko.

¹⁴ Onanga yamake o Tita magoronaka ma Jou wohi döaka itilakuru o Musa, ma Jou Wahuloko o Israeloka ma umati yogogere o tau-tau o öraha utu magoronaka madekanino o tau-tau ihi katu o Hoka-hoka ma Rameanga.

¹⁵Hababu gënanga o Yerusalem ingodumu o kota-kotaka de o kapo-kapongoka, önanga ihingahu o pareta nënanga, ”Nioiki ol̄oku mabuturung ika de nia l̄e o liwewuru mautu majaga-jaga, o zaitun, o minya mautu, o palma de o gota-gota mahomoa mangale niadiai o tau-tau imamoteke de o Tita ma Buku magoronaka madatoro.”

¹⁶Daha yoiki o kawaha yol̄e o jaga-jaga gënanga. Onanga mata-mata yodiai o tau-tau makatu-katu ihohehelaikaoka toönanga manga tau malokuoka, manga tau maloaka, ma Jou Ai Tau maloa mahimangoka, o lapangoka o Akere ma Ngorana ma Amo-amoko madatekoka de o lapangoka o Efraim ma Ngorana ma Amo-amoko madatekoka.

¹⁷O kawaha mata-mata yolö lio-lioka o tabuangino gënanga imadiai o tau-tau gënanga, daha yogogere genangoka. Nenanga madodihiraka o hali gënanga yadiai maöraha mamulaenge o Yosua o Nun aingohaka, done mata-mata yosanangi de youtumu.

¹⁸O wange tumidi madekana önanga yorameanga. O wange ihi geto-getongo ma Jou Madutu Ai Tita mabuku mahidoku-hidoku wadabasa o Ezra. O wange matufangeoka yadiai ihibobaha maupacara, imamoteke de o Tita madatoro.