Read Tobelo O AYUB 11 Bible Online

O AYUB 11 - Tobelo bible

O AYUB 11

¹Ipaha o Zofar wotemo, Koi elukua gënanga nohïdoaka mabobaluhu? Kokiani o nyawa yödemowoë gënanga hohigoungu?

³Ayub, natobote ngomi miakunua minï baluhu? Natobote ngomi miauru miatamunu karana anihohedu?

⁴Imamoteke anibubulonoka anidemo-demo gënanga ihowonua; imamoteke anidamake ngona notebini ma Jou Madutu Ai himangoka.

⁵Mä, tanu ma Jou Madutu mahirete wo ade-ade!

⁶Deʼ tanu Unanga wonihingahu ngona, o barija gënanga marupa mangöe, deʼ hakunua hamangarati o nyawa.

⁷Kiaka yakunu ma Jou Madutu Ai diai nakunu nodumunu? Kiaka yakunu Ai kuaha ngona nakunu nanako?

⁸Ai kuaha iholoi ikurutil̄e ngaro o gitawa; de nal̄e ngona nadonikaua deʼ nomadatauru. Ai kuaha iholoi iluku ngaro o nyawa yohone-honenge manga dunia nakunua nomangarati kamamoiuku.

⁹Ma Jou Madutu Ai kuaha iholoi ilamokika ngaro de o dunia, deʼ iholoi iwoatika ngaro de o ngöto ma ago-agomo.

¹⁰Nako Unanga wonitagoko deʼ woni ao Ai juru hakimika, done o nagona yobarani yatatoko Ai manarama?

¹¹Ma Jou Madutu wänako o nyawa yoigo yoelu-eluku; toönanga manga dorou irehenua ai lakooka.

¹²Nako o keledai ihühuhuku ma ayo ihingohaka o keledai idana-dana, dahaö o nyawa bodo idadi yobarija.

¹³Ayub, natebini anihininga, nomatoduba! Noma niata ma Jou Madutuika!

¹⁴Nahihanga o baradoha anihiningaka deʼ natingaka nakökurutika o dorou anitauoka!

¹⁵Done ngona yakunu nohimanga o ngango de notongohono deʼ nokuata; ngona aha nomaoko nobitumu deʼ iparaluua namao anihininga ibaliha,

¹⁶Igoungu anihangihara nohininga okauaoli; hokä o nguihi itouru, o nyawa yawohanga.

¹⁷Ni ngango aha idadi iholoi itararono ngaro deo wangeoka, deʼ maora-öraha o huhutu aningango magoronaka kaimatero madararono o ngorumino madararono.

¹⁸Ngona aha nobitumu deʼ iomanga o nganono; ma Jou Madutu aha wonihohongino hiädono norïdi.

¹⁹Ngona aha namodongo o haturuika; o nyawa manga ngöe aha yogahoko o roriwo ngonaika.

²⁰Mä o nyawa madorou aha imalega-lega imahiorikokaua, hababu mangale önanga koiwa o roriwo. Kamoi toönanga manga ngonganono enagënanga hupaya manga ajali itaiti iböa.