Read Tobelo O AYUB 18 Bible Online

O AYUB 18 - Tobelo bible

O AYUB 18

¹Daha o Bildad wohaluhu, ”Hei Ayub, muruonoka ngona namal̄a notemo-temo? Nomarïdi, deʼ noihene öraha nënanga ngomi mimau mitemo-temo.

³Yadodoa nomi pulono ngomi mibodo, deʼ nomihitero ngomi de o hapi?

⁴Ani dohata duga-duga yahiri anidiri. Kokiani mangale aniparalu o dunia manyawa yahihanga, deʼ hagala ol̄oku mangïino de imatururu?

⁵ O nyawa madorou manga padamara maraioka yahonenge, ai uku aha komaiwaka wäwangoli.

⁶O dararono ai tau-tau magoronaka idadi ihokomuru; ai padamara itararonokauaoli.

⁷Ai aguru ikua-kuata idadi duru kai lebo-leboto; ai datoro mahirete idadi hababu ünanga wopeleke.

⁸Unanga womädagi o homa magoronaika, doneai l̄ou ilaketika.

⁹Ai bobo yamodoil̄e o dadagoko, hiädono iwitagoko ünanga.

¹⁰O tonakoka, iwingiunika o modoi maliliko; o ngekomoka, ihiakana o liliko deʼ manonai.

¹¹O nyawa madorou yahitodokana o modongo hagala o ngï ino; o hawana iwinïki kiaika dika ünanga wö aguru.

¹²Mahira ünanga wokuata, öraha nënanga ünanga kawopopanyakeika; o bodito iwitotomoteke kiaika honanga.

¹³Ai kai yaol̄omo o panyake ma ago-agomo; ai betekono deʼ ai l̄ou yömela igogaligono.

¹⁴Unanga iwidohigoraka ai tau-tauino, o ngï ünanga wamao wosanangi, daha iwi liliara mangale wöhimanga o honenge.

¹⁵O öraha o nagona dika yakunu yogogere ahi tau-tau magoronaka, deʼ genangoka yoderero o walira, yahohihanga mapanyake.

¹⁶Ma ngutu-ngutuku itoolenge deʼ ikokororomo; mararaga itoolenge deʼ ikororomo.

¹⁷Unanga iwinako okauaoli magoronaka yaoaö o kota maporetoka; moiuaö kayohiningahi ai romanga.

¹⁸O dararonino ünanga iwiduhu o huhutu magoronaka; o nyawa yowango-wango manga duniaino ünanga iwiduhu.

¹⁹Toünanga koiwa aingohaka deʼ aidifauku; ai kapongo madutuoka moiua mahou.

²⁰O wange madumuniha manyawa yatodokana yoihene ai ajali, hoʼ deo wange mahiwaroko manyawa yohaharoko karana yohawana.

²¹Hoko gënanga o nyawa madorou manga wowango, önanga iwihohaduliua ma Jou Madutu.”