Read Tobelo O AYUB 20 Bible Online

O AYUB 20 - Tobelo bible

O AYUB 20

¹Daha o Zofar wohaluhu, ”Hei Ayub, ngohi tamao ahihininga nahiri mangale ngona, öraha nënanga ngohi toigo itaiti nohidöaka ahibobaluhu.

³Ani demo-demo gënanga igoungu ihihikauku, mä ngohi tohiöriki sarakia mabobaluhu.

⁴Nohiorikua ngona o öraha mahiraino, mamuläenge o nyawa madodihiraoka wahigogere o duniaka,

⁵o nyawa madorou manga morene duga-duga öraha mahuhutulu dika, deʼ manga sanangi o nyawa yososetiaua kao lako dadawi?

⁶Ngaroka manga mulia hiädono o ngawa-ngawail̄e, hiädono manga haëke imahi dipoil̄e o lobiil̄e,

⁷mä ünanga aha wohihanga kahiado-adonika, woma hihanga deo dunia de madodagi wobaragunaua. Hagala o nyawa iwinönako-nakooka ünanga, aha yoleha, kiaika woiki?”

⁸Unanga aha wohihanga hokä o nanere magurumini, wohihanga hokä o lolega o hutu-hutu.

⁹Unanga iwimakeokauaoli o lako; ünanga koiwiwaka o ngï wogogogeroka.

¹⁰Mahira wadohiki o nyawa manga kia-kiauaino, kiani yatagali aingoha-ngohaka.

¹¹Ngaroka ünanga woma göika deʼ wonauru, mä botinookahi ünanga wodadi o kafo mata-mata.

¹²Hokokia mamutiti o dorou ai uru magoronaka! Wamaowa hayanga itaiti walahiri; hababu gënanga wagogonika ai akiri matimioka, hupaya itedekana ünanga wajame.

¹⁴Mä o inomo gënanga ingali ai mamata magoronaka, idadi o rasongo mamali-mali ioa-oa o honenge.

¹⁵O arata wotohi-tohiki walölahi-lahiri, pakisa wohi ngunanga; ma Jou Madutu wohihupu ai mamata magoronail̄e.

¹⁶O nyawa madorou aha yaokere o rasongo ioa-oa o huha, ünanga aha wohihonenge hokä o dodiha ibiha-biha iwigoli.

¹⁷Unanga aha wajameua o zaitun maminya dema boboloi, ekola o susu deʼ o ohungu magula ibutaka ikokopoa.

¹⁸Hagala ai utumu kiani wohigilio; ai hidailako mahasili aha wajameua.

¹⁹Hababu ünanga wätuku deʼ walegaikaua o nyawa komanga okia-kiaua; ünanga waora o tau wohi goko-gokoua.

²⁰Karana ai kal̄il̄u wanakoua mabatingi, done ünanga aha idadiua wohigihounu.

²¹Nako ünanga wol̄omo mata-mata wamata, hababu gënanga ai hasili mangöe-ngöe itedekanua.

²²Maöraha ai hasili mangöe-ngöe iholoi ilamoko, o hangihara deʼ o duka iböa iwitapal̄u.

²³Maöraha ünanga woruaëuku wodol̄a ai mamata, ma Jou Madutu duru wongamo deʼ wihukumu.

²⁴Nako ünanga woara womahititoko o oworo o wajaino, ünanga aha iwil̄abo o toimi madoto o tabaga.

²⁵Unanga iwikorona o toimi, hiädono iwil̄abo; o toimi mabarene ileto-letongo yatotara airöehe, done o hawana yahawo-hawoino aihiningaka.

²⁶Iwedere hagala aiarata wagögogonika; ünanga ima kinïki aitau manyawa yongodumu yaol̄omo o uku yatofo-tofoua o nyawa.

²⁷O dihanga yahelenga ai dorou; o dunia imaoko iwilawani ünanga.

²⁸Hagala aikaya aha ihihanga, karana ihebulu ma Jou Madutu Ai dohata.

²⁹Genanga manga wowango o nyawa madorou, manga wowango wohitätantuoka ma Jou Madutu unangika.