Read Tobelo O AYUB 23 Bible Online

O AYUB 23 - Tobelo bible

O AYUB 23

¹Mä o Ayub wohaluhu, ”Ngohi toma poputurungu deʼ tomä liwolu ma Jou Madutuika; takunua ngohi tatumungu aniliwolu de ahidaiana.

³Aa, tanu tohiöriki o ngï Unanga naga, hupaya ngohi takunu töiki deʼ mimamake dede Unanga.

⁴Done Unangika ahiperekara nënanga tohihimanga, ahiuruiha ipuraraha o ade-ade tomä demo.

⁵Ngohi toigo tohiöriki okia aha Unanga wotemo, deʼ sarakia Unanga wohidöaka mabobaluhu.

⁶Boteka Unanga wohiapoto Ai kuaha ngohino? Kowali! Unanga maraioka aha woihene ahidemo-demo.

⁷Ngohi tahowonua deʼ takunu toriwo ahidiri Ai himangoka, done ngohi aha ihinyata tolapahi mangale kahiado-adonika.

⁸Tilingiri ma Jou Madutu o wange mahiwaroko, o wange ma dumuniha, o koreharail̄e, o koremieuku, mä okiaika honanga ma Jou Madutu koiwiwa; deʼ ngohi takunua timake Unanga.

¹⁰Mä Unanga wohiöriki hagala ahingekomo hoko genangö ahiaguru magetongo. Nako hokä o gurasi ngohi ihi uji, aha inyata ahihininga idodono.

¹¹Ngohi tihingounu Unangika de ahi setia; komaiwahi ngohi torehene o ngekomo wohitatantu.

¹²Hagala ma Jou Madutu Ai pareta salalu tohi ngounu, Ai mau tanïki, deʼ ahinahihuua mahirete.

¹³Ma Jou Madutu gënanga wongaliua; moiua yakunu iwi lawani Unanga. Unanga wadiai okia womau-mau.

¹⁴Unanga aha wohidagi Ai datoro mangale ngohi, deʼ mangöeohi Ai datoro mahomoa de gënanga.

¹⁵Karana timodongo Unangika, ngohi tohaharoka; iholoi mata-mata gënanga tatibanga, iholoi ngohi tohawanua.

¹⁶Woko Kokuaha wawedere hagala ahibarani. Ngohi tohawana karana ma Jou Madutu, deʼ karana o huhutu ihai-haitua, ngaroka o huhutu gënanga ihikilolitino ngohi, deʼ ahibionoka yatamunoka.