Read Tobelo O AYUB 35 Bible Online

O AYUB 35 - Tobelo bible

O AYUB 35

¹Ayub, ngona nahowono nako natobote ma Jou Madutu Ai lakoka ngona nahowonua.

³Ngona nahowono nako noleha, ani baradoha makuaha okia Unangika; deʼ ma utumu okianatarima nako ngona nodiaiua o baradoha.

⁴Ngohi aha tohidöaka mabobaluhu ngonaika deʼ hoko genangö ahidodiawo gënanga.

⁵Nolega o dihangil̄e deʼ nohohininga hokokia magurutil̄e hagala o lobi.

⁶ Nako ngona nobaradoha, ma Jou Madutu aha worugiua. Nako ani baradoha mangöe, Unanga iwikuahaua.

⁷De nodiai maoa-oa, ma Jou Madutu niriwoua. Igoungu, Unanga woparaluua okia dika ngonaino.

⁸Duga-duga anidodiawo o nyawa yahirugi mangale hagala anibaradoha. Unangö woutumu mangale ani oa-oa.

⁹O nyawa yatö tuku-tuku, aha yotaiana; önanga yopöaka yogahoko o roriwo.

¹⁰Ma Jou Madutuikaua, Ai dodadi ihidöaka manga ngonganono maöraha önanga yoduka,

¹¹deʼ wahidöaka o nyawa o akali maoa-oa yatilakuru o totaleo deʼ o aiwani o duniaoka.

¹²Hagala o nyawa yatuku-tuku gënanga imahiböaka, mä ma Jou Madutu womarirïdoka karana önanga yätorou deʼ yäomanga o edenge.

¹³Parahaja önanga yopöaka manga kuata yamata-mata; Duru Woko Kuaha walegaikaua ekola wahigihene önanga.

¹⁴Ayub, maboboloioli nako ngona notemo ngona nimakeua Unanga, aniperekara nagaoka Ai himangoka deʼ ngona nidodamä Unanga!

¹⁵Natobote ma Jou Madutu wonihidöakua o hukumanga deʼ wolegaikaua yododilakuru.

¹⁶Parahaja ani demo-demo ngona nohigila-gila; itararono, ngona nohiorikua okia notö temo-temo.