Read Tobelo O AYUB 40 Bible Online

O AYUB 40 - Tobelo bible

O AYUB 40

¹Hei Ayub, nohi lawani Ngohi, o Jou Madutu Duru Toko Kuaha; nomau nohihohihanga ekola nomau ngona nohiributu?”

³Daha o Ayub wibaluhu ma Jouika, ”Ngohi totemo-temo hokä o nyawa bodo, ya Jou. O bobaluhu okia yakunu tohidöaka? Okiakiauaoli naga tomau tohi demo.

⁵Duru iwöeokaholi tohidemo-demo.”

⁶Daha, o rato magoronaino ma Jou witemooli o Ayubika.

⁷Daha ma Jou witemo o Ayubika, ”Nohi himangino Ngohi hokä o nauru, deʼ nahaluhu hagala o loleha nënanga.

⁸Boteka nomau nohipongono Ahi adili, deʼ nato itiai anidiri de nohihihowono Ngohi?

⁹Boteka ngona nokuata hokä Ngohi? Yakunu ani ilingi idodotoreke hokä Ahi ilingi?

¹⁰Nohi poromu anidiri deo kuaha deʼ o mulia, nomahipake o mulia deʼ o horomati.

¹¹Napulono önanga manga hininga ikokurutil̄e; anigangamo nahebulu deʼ nahikauku önanga.

¹²Ya, napulono o nyawa imaede-edenge, naponu önanga! nawedere o nyawa madorou manga ngïoka.

¹³Nalungunu önanga mata-mata o kafo magoronaka; yakurangaino önanga o nyawa yohone-honenge manga duniaoka.

¹⁴Done ngona aha tonihigiriri karana ngona nautumu de anikuata mahirete.

¹⁵Nohohininga o Behemot, o aiwani ilago-agomo; hokä ngona, enangö Ahi dodadioli. Hagala o momo idadi mainomo, hokä o hapi deʼ o hapi biaha.

¹⁶Mä natailako nohidodiai makuata maröehe magoronaka, deʼ makuata manguro-ngurotika!

¹⁷Enanga yaokoil̄e mabikini hokä o aras magota, magaono manguro-nguroto ikuata deʼ itogowini.

¹⁸Hagala makobongo makuata hokä o tabaga, mal̄ou mabitumu hokä o behi o waja.

¹⁹Hagala Ahi dodadi mahidogoronaka ënanga duru ihö hera-heranga; duga-duga Wohidadadi dika wakunu wiutumu unanga!

²⁰Hagala o doporonoka o aiwani ihühuhuku mangï imagogule imore-morene, iwango o momo idadi mainomo.

²¹Enanga ima rubaika o momo ihohihika matimiuku, o totuhuro mahidogoronaka o pese-pesekoka ënanga ima ngiunika.

²²O momo mahohihika yahohongino ënanga de hagala ma gurumini. O gandarusa mautu o ngairi madatekoka yataduhino ënanga.

²³Enanga ihaharua ngaroka o Yordan ma Ngairi mahahuru duru kohakuata, ënanga kahirahi irirïdi ngaroka o akere yaolu mabionil̄e.

²⁴O nagona yobarani yapiloko malako, daha yatagoko ënanga de yaaro-aro mauru?