Read Tobelo O AYUB 7 Bible Online

O AYUB 7 - Tobelo bible

O AYUB 7

¹O nyawa gënanga hokä yaribuhu imä riwo; manga wowango madubuho hokä womatengo o hewa manyawa ai wowango;

²hokä o gilaongo woigo o hohohongo; hokä o hewa manyawa yodamä manga kangela magiliorino.

³O mede itagali o mede ahi wowango koiwa madumutu; o hutu itagali o hutu ahihininga iomanga o hininga mahuha.

⁴Nako ngohi töiki tomäidu, o hutu magurutu kaitaurika; duru toigo ibatingi, takunua tomaruba torïdi.

⁵Ahi röehe iomanga o kulubati deʼ o awunu madokoru; ahi kai yanabo deʼ ihi hupu o gomuku.

⁶Ahi wowango koiwa o ngonganono gënanga majapati yameta ma baha, iholoi itaiti ngaro de o pakeanga yododiai ihidagi ma wako-wako.

⁷Nohininga, ya Jou Madutu, ahi ngango duga-duga hohöwomaha; ahiutumu ihihanga, mario maʼ ihidodogumokaua.

⁸Oraha nënanga Ngona nohi make ngohi — magënanga itedekanua. Nako damä nohi lingiri ngohi, done koihiwaka.

⁹Hokä o lobi ihohonguku daha ima hihanga, o nyawaö mayo honenge, aha imaidulokaua yolio. Mata-mata o nyawa mamoi iböto iwi nako Unanga, iwiwohanga unangika deʼ koiwi hiningaokauaoli.

¹¹Hababu gënanga ngohi takunua tomarïdi! Tamao yohiri deʼ imali takunua tohidukumuku. Ngohi kiani tahelenga ahiuru, deʼ takopoa ahihininga madol̄a.

¹²Yadodoa ngohi nënanga hoko genangika Nohi totailako deʼ Nohi goana? Boteka ngohi nënanga o ngöto managa ibobahaya?

¹³Ngohi tomaruba deʼ tohitaili tohiaiki ahibole-bole; ngohi tolingiri mangale ahihininga iduka-duka maguwini.

¹⁴Mä Nohihikokamodongo ngohi de o nanere; Nohi dotagao o nanere madorou deʼ o hayali.

¹⁵Hiädono ngohi iholoi toigo ihigoodongo daha tohonenge de ngaro ahiröehe iwango iomanga o hangihara nënanga magoronaka.

¹⁶Ngohi ihibole deʼ togihounu towango; ngohi toigo tohonenge! Nohi mal̄aika ngohi, hababu ahingango koiwa mamangarati.

¹⁷ Yadodoa o nyawa hoko gënanga maparalu Ngonaika? Yadodoa manga manarama nohohininga salalu?

¹⁸Ngona nitailako ünanga o ngorumino ihigetongo, deʼ öraha ihigetongo Niuji ünanga.

¹⁹Muruonoka Ngona ngohioka de nomaidulu, hiädono ngohi takunu talahiri ahikibiri?

²⁰Hei ahi Gogoana, Ngona norugi karana anibaradoha? Yadodoa Nohi pake ngohi hokä Ani toimi madoto mameta? Hoko gënanga madubuho ngohi tonihitubuho Ani diri?

²¹Yakunua Ngona nohi apongo ahibaradoha? Idadiua Ngona naehe ahihowono? Ma huhutulohi dika ngohi toruba o lungunu magoronaka, deʼ nako Nohilingiri, aha Nohi makeokaua.”