Read Tobelo O MAZMUR 111 Bible Online

O MAZMUR 111 - Tobelo bible

O MAZMUR 111

¹Niwi higiriri ma Jou! De ahi hininga magahumu ngohi tosyukur ma Jouika Ai umati manga doomu mahidogoronaka.

²Igoungu iheranga hagala Ani manarama Jou, o nyawa yöigo-igo ipatutu yatailako.

³Ma Jou Ai karajanga imulia deʼ ihi gogiriri, Ai adili ikakali kahiado-adonika.

⁴Ma Jou gënanga wotodora deʼ wotahayangi, Unanga wadiai hagala o manarama höhera-heranga, hupaya ngone kahirahi höhohininga.

⁵Unanga wahidöaka o rejeki o nyawa iwi modo-modongika, deʼ salalu wöhohininga Ai jaji.

⁶Unanga wohi dumutoka Ai kuaha Ai umatika, deʼ wahidöaka önanga hagala o hoana deo berera manga puhaka matonaka.

⁷Ma Jou woadili deʼ wosatia hagala wadodiai magoronaka, hagala Ai pareta yakunu hangaku.

⁸Ai tita kahirahi ingaliua o oraha magurutu, wahidöaka o diai deʼ o adili magoronaka.

⁹Unanga wahi bebasi Ai umati, deʼ wodiai o jaji ikokakali dede önanga. Una ganga ma Jou wotebi-tebini deʼ woputurungu!

¹⁰ O nagona honanga yönahihu yodadi yosawaro kokiani iwi horomati ma Jou, Unanga wahidöaka o mangarati mata-mata o nyawa iwi hingou-ngounika. Niwi higiriri ma Jou o oraha magurutu!