Read Tobelo O MAZMUR 114 Bible Online

O MAZMUR 114 - Tobelo bible

O MAZMUR 114

¹ Maöraha o Israeloka o Mesir mabereraka deʼ yohupu, maöraha o Yakub aidifauku yamal̄a o nyawa mahomoa manga berera.

²Ma Jou wodiai o Yehuda Ai ngï itebi-tebini, o Israel idadi o daera Wakokuaha.

³ O Gelagah ma Ngöto Iwi make de ipiringana, o Yordan ma Ngairi imatogumu ihahuru.

⁴Hagala ol̄oku ima tototubo hokä o kabingi, hagala o doporono ima popata hokä o duba mangohaka.

⁵Naga okia, hei o ngöto, hiädono ngona nopiringana, deʼ o Yordan ma Ngairi noma togumu nohahuru?

⁶Ma hababu okia ngini nima tototubo hei hagala o l̄oku deʼ ngini nima päta hei hagala o doporono?

⁷Hei o dunia nihahara ma Jou Ai himangoka, o Yakub ai Jou Madutu Ai himangoka,

⁸ wangöngali-ngali o helewo o nuha idadi o akere malupanga, deʼ ol̄oku o helewo idadi o akere malako.