Read Tobelo O MAZMUR 12 Bible Online

O MAZMUR 12 - Tobelo bible

O MAZMUR 12

¹Mangale yonyä nyanyi manga tutuda. Imoteke o lugo ma tufangeoka. O Daud ai Mazmur.

²Nomï riwo ngomi, ya Jou, hababu moiokaua o nyawa maoa, o nyawa yososatia Ngonaika yokokihihangoka.

³Onanga mata-mata ima kokeleuku, ima kokitipu de o demo mamuti-mutiti.

⁴Jou, botohi nohigumal̄a o demo-demo imö muti-mutiti, natamunu hagala o nyawa manga uru ilö amo-amoko yotö temo-temo,

⁵yotemo, ”Ngomi mikuaha de tongomi mia akiri! Okia dika ngomi yakunu mitemo, deʼ koiwa yakunu imï tatoko!”

⁶Ma Jou wato, ”O mihikini manyawa yätuku deʼ o nyawa yohö hangihara yokururihi. Done öraha nënanga dika Ngohi toboa tahidöaka o hininga marïdi önanga yonö nahihu.”

⁷Ma Jou Ai jaji ibitumu deʼ yakunu honganono, hokä o haaka madutu yauji-uji o uku magoronaka.

⁸O nyawa madorou yakaika-yakaino okiaika honanga, moi-moi o nyawa ihi gogiriri o dorou. Mä Ngona nomï hohongo ngomi, ya Jou, nomï goana ngomi o nyawa madorouika gënanga.