Read Tobelo O MAZMUR 122 Bible Online

O MAZMUR 122 - Tobelo bible

O MAZMUR 122

¹O Daud ai duduono ikokaramatika manyanyi. Ngohi tomorene maöraha o nyawa ihi temo ngohino, ”Niaino ngone hoiki ma Jou Ai Tauika.”

²O öraha nënanga ngomi mima hiädonoka o Yerusalem makota mangorana ma amo-amokika.

³O Yerusalem ihi goko hokä o kota ilape ihidodiai deʼ ihailoa.

⁴Nenangino hagala o hoana deo berera yoboa, o hoana deo berera ma Jou Ai ngongiriki, layo syukur ma Jouika imamoteke de Ai pareta.

⁵Nenangoka o kokoano o Daud ai difauku yahi juruhakimi manga kawaha.

⁶Nimä niata mangale o Yerusalem mahalamati, ”Tanu mata-mata o nyawa inï hohininga yohalamati.

⁷Tanu naga o dame ani daera magoronaka, deʼ o sanangi ani dadatoko o bebeno o mehele magoronaka.”

⁸Mangale ahi roriadodoto deʼ ahi hobata ngohi totemo, ”Tanu ngona nohalamati!”

⁹Mangale ma Jou Ai Tau, tongone nanga Jou Madutu ngohi tomä niata hupaya ngona noutumu.