Read Tobelo O MAZMUR 14 Bible Online

O MAZMUR 14 - Tobelo bible

O MAZMUR 14

¹ Mangale yonyä nyanyi manga tutuda. O Daud ai Mazmur. O nyawa bodo yotemo manga hiningaka, ”Ma Jou Madutu koiwiwa.” Toönanga manga manarama itorou deʼ haemono komoiua yodiai oa.

²O horogaka de yaino ma Jou wä pulono o nyawa mangale wälingiri o nyawa yobobarija iwi hö huba-huba Unanga.

³Mä o nyawa mata-mata yamotekokaua o diai deʼ itorou manga kalakuanga, kao nyawa moiö de yadiaiua o oa.

⁴Ma Jou wato, ”Koi mamaouwahi hagala o nyawa madorou gënanga? Onanga yowango kayä oraino Ahi umati deʼ komaiwa imä niata Ngohino.”

⁵O nyawa madorou aha duru yohawana, hababu ma Jou Madutu wä hohongo o nyawa iwi hingou-ngounu Unangika.

⁶O nyawa madorou yomau yätatoko o mihikini manyawa, mä ma Jou idadi manga hohohongo.

⁷Tanu o Sion de yaino iboa o halamati mangale o Israeloka! Done o Yakub aidifauku aha yomorene nako ma Jou wohi gilioli Ai umati manga wowango.