Read Tobelo O MAZMUR 142 Bible Online

O MAZMUR 142 - Tobelo bible

O MAZMUR 142

¹ O Daud ai dodotoko manyanyi, maöraha ünanga naga o aruku magoronaka.

²Takua-kuatil̄e ngohi tomahiböaka ma Jouika; de ahi ilingi ikua-kuatil̄e togahoko Ai roriwo.

³Ai himangoka ngohi totaiana; tohingahu hagala ahi huha Unangika.

⁴Maöraha ngade-ngade ahi nganono itoaka, Ngona nohiöriki okia kokiani tadiai. O ngekomo kokiani tanönonu, ahi haturu kaima ngiu-ngiunu ihi akana o modoi mangale ngohi.

⁵Maöraha ngohi tomä lega ahi higili de ahi nirakika, tamake koiwa naga o bobatumu mangale ngohi. Koiwa naga ihihöhohohongo ngohi ekola yahaduli ahi diri.

⁶Ngohi toma hiböaka Ngonaika, ya Jou, Ngona ahi hohohongo mangï, Ngona dika tonï pöparalu ahi ngango nënanga magoronaka.

⁷Natailako nohidodiai ahi böaka, hababu ngohi duru tohangihara. Ngohi nohihihalamati ahi haturu-haturuino, hababu önanga yokuataholi ngohino.

⁸Ngohi nohihibebasi o bui ino, de Ani umati manga doomu mahidogoronaka ngohi aha tohigiriri Ani romanga, hababu Ngona nodiaioka o oa ngohino.