Read Tobelo O MAZMUR 146 Bible Online

O MAZMUR 146 - Tobelo bible

O MAZMUR 146

¹Niwihigiriri ma Jou! Hai ahi jiwa, nïhigiriri ma Jou!

²Ngohi tomau tihigiriri ma Jou hokokia madekana ahi ngango deʼ tonyanyi mangale ahi Jou Madutu hokokia madekana ngohi naga.

³Uha nomahinganono yokokuahaika, o nyawaika yaku-akunu inihihalamati.

⁴Nako önanga yohonenge, önanga imakilioro o tonakika; o wange gënanga mata-mata toönanga manga datoro ihihanga.

⁵Woutumu o nyawa womahingano-nganono ma Jou Ai Jou Madutu, deʼ dema ënanga o Yakub ai Jou Madutu hokä ai roriwo.

⁶ Unanga ganga Wohidadi o dihanga deʼ o dunia, o ngöto deʼ hagala toënanga madol̄a; Unanga hirahi wosatia kahiado-adonika.

⁷Unanga wäriwo hagala o nyawa yatö tuku-tuku manga haku, deʼ wahiol̄omo o nyawa yahähahinika. Ma Jou wahibebasi yobui-buika,

⁸deʼ wadiai o nyawa yopilo-piloko yakunu imahimake. Unanga watikil̄e o nyawa yaota-otaka, deʼ wädora o nyawa manga hininga iriko-rikoto.

⁹Unanga wähohongo o nyawa maporetino; Unanga wäriwo o bobobao deʼ o ngohaka o gohihi, mä o nyawa madorou manga datoro aha waburakiti.

¹⁰Ma Jou gënanga o Koano kahiado-adonika. Hei Sion, ani Jou Madutu wokuaha madekana o taongo dema ratu-ratuhu. Niwi higiriri ma Jou!