Read Tobelo O MAZMUR 148 Bible Online

O MAZMUR 148 - Tobelo bible

O MAZMUR 148

¹Niwihigiriri ma Jou! Niwihigiriri ma Jou, hei o horoga madol̄a! Mata-mata nigögogere o ngï ikökurutil̄eoka, niwihigiriri Unanga!

²Niwihigiriri Unanga, hei Ai malaekat mata-mata, niwihigiriri Unanga, hei ningodumu o horoga matentara!

³Niwihigiriri Unanga, hei o wange malako deʼ o mede, niwihigiriri, hei hagala o murumu ilöleto-letongo!

⁴Niwihigiriri Unanga, hei o dihanga duru ikökurutil̄e, niwihigiriri Unanga, hei o akere o dihanga mal̄okuino!

⁵Kayaoa de önanga mata-mata ihigiriri ma Jou Ai romanga, hababu mata-mata wohidadi mangale Ai pareta.

⁶Unanga wohitantu mangï moi-moi, Wohi totatapu idadi kahiado-adonika.

⁷Niwihigiriri ma Jou, hei o dunia madol̄a, hei o ngöto madodiha o naga deʼ ingodumu o ngöto malago-agomo;

⁸Hei o leletongo deo awana o es, o domoata deʼ o lobi, o hidal̄oko ipoputurungu yamoteke ma Jou Ai pareta!

⁹Niwihigiriri, hei hagala o doporono deʼ hagala ol̄oku, o gota mautu mahohoko haol̄o-ol̄omo deʼ mata-mata o hongana;

¹⁰mata-mata o aiwani ipöpaliara deʼ o aiwani ihü huhuku, hagala o aiwani ima tahe-tahe deʼ o totaleo!

¹¹Niwihigiriri Unanga, hei o kokoano deʼ hagala o hoana deo berera, yomomulia deʼ mata-mata yokokuaha;

¹²mata-mata o goguduru deʼ o momoholehe, o bobereki deʼ o gikiri magö.

¹³Kayaoa de mata-mata önanga ihigiriri ma Jou Ai romanga, hababu Ai romanga iholoi ikurutil̄e de hagala o romanga; magurutil̄e yatio o dihanga deʼ o dunia.

¹⁴Unanga wahi kuatoka aihöana de Ai berera, hiädono Unanga Ai umati iwihi gogiriri, o Israel, o umati Wä haya-hayangi. Niwihigiriri ma Jou!